کرکٹ میچ میں آئرلینڈ کی شروعات اچھی رہی، ابتدائی 10 گیندوں کے بعد اوپنر بلے بازوں نے تین چوکے لگائے۔ ابتدائی وکٹ کھونے کے بعد ریان ہنٹر معروف مردھا کی گیند پر کو کیچ آؤٹ ہوگئے ، تب بھی آئرلینڈ نے ابتدائی پاور پلے کے دوران مثبت انداز کو برقرار رکھااور 4.50 رنز فی اوور کی رفتار سے اسکور کیا۔
بنگلہ دیش کے اسپن باؤلرز میدان میں آئے تو کھیل کا رخ بدل گیا۔ شیخ پرویز جبون اور عزمان رفیع نے 11ویں اور 16ویں اوور میں گیون رولسٹن کو (5) رنز پر اور جارڈن نیل (31) پر آؤٹ کیا۔ جیبون نے اننگز کے وسط میں ایک بار پھر شاندار باؤلنگ کرواتے ہوئے آئرلینڈ کے کپتان فلپ لی روکس کو آؤٹ کر کے بنگلہ دیش کو مضبوط پوزیشن میں پہنچا دیا۔ کیان ہلٹن نے دباؤ میں اچھی کارکردگی کا مظاہرہ کیا اور بنگلہ دیشی گیند بازوں کو آڑے ہاتھوں لیا۔
ہلٹن اور سکاٹ میکبتھ نے بنیادی طور پر اسپن بولرز کو نشانہ بنایا، 25-35 اوورز کے درمیان سات چوکے لگائے۔ جیسے جیسے ان کی شراکت مضبوط ہوتی گئی، بنگلہ دیش پر دباؤ بڑھتا گیا ۔ 41ویں اوور میں میک بیتھ کے (27) رنز پر آؤٹ ہونے کے باوجود آئرلینڈ نے ہلٹن کی جارحانہ بلے بازی سے آگے بڑھنا جاری رکھا۔ ہلٹن 49ویں اوور میں 90 رنز کی شاندار اننگز کھیل کر آؤٹ ہوگئے۔ آئرلینڈ نے آخری 10 اوورز میں مجموعی اسکور میں 61 رنز کا اضافہ کیا۔
جواب میں، نوجوان ٹائیگرز نے پراعتماد آغاز کیا، پہلے پاور پلے میں عاشق الرحمن شبلی اور عادل بن صدیق نے چھ چوکوں سمیت 55 رنز کی شرکت قائم کی ۔
دوسرے پاور پلے میں اسپن باؤلرز کی بدولت کھیل کی صورت حال بدل گئی ۔ شبلی اور صدیق زیادہ محتاط ہو گئے، جس کی وجہ سے سکورنگ کی رفتار کم ہو گئی۔ تاہم، ایشیائی ٹیم مطلوبہ رن ریٹ سے آرام سے آگے بڑھتی رہی۔ لفٹ آرم فاسٹ باؤلر باز میتھیو ویلڈن نے آخر کار آئرلینڈ کے لیے ایک پیش رفت کیاور صدیق کو 36 رنز پر آؤٹ کیا۔
میک بیتھ کی جانب سے شبلی کو آؤٹ کرنے کے بعد چودوری محمد رضوان اور عارف اسلام نے بنگلہ دیش کے لیے مضبوط شراکت برقرار رکھی۔ تاہم، اسلام کا جارحانہ انداز ان کے زوال کا باعث بنا کیونکہ وہ میک بیتھ کے خلاف ٹریک کو چارج کرنے کی کوشش میں اسٹمپڈ ہو گئے۔ اس سے بنگلہ دیش کی وکٹیں تیزی سے پے درپے گرنے لگیں ، رضوان بھی جان میک نیلی کی گیند پر کیچ آؤٹ گئے۔
احرار امین اور محمد شہاب جیمز پھر بنگلہ دیش کی اننگز کو مستحکم کرنے اور ہدف کے قریب لانے کے لیے اکٹھے ہوئے۔ 31-40 اوورز کے درمیان، 53 رنز کی شراکت قائم کی ، اور اس بات کو یقینی بنایا کہ انہیں آخری 10 اوورز کے آغاز میں فی اوور میں پانچ رنز سے بھی کم کی ضرورت تھی۔جس سے بنگلہ دیش نے 47 ویں اوور میں فتح حاصل کرلی ۔امین اور جیمز کی 109 رنز کی مضبوط شراکت نے ٹائیگرز کو کامیاب اختتام تک پہنچایا۔
