شندور پولو فیسٹول موسم خرابی کے باعث ملتوی

اردو انٹرنیشنل اسپورٹس ویب ڈیسک تفصیلات کے مطابق چترال کے علاقہ شندور میں 28 جون سے شروع ہونے والا پولو فیسٹول خراب موسم کے باعث ملتوی کردیا گیا ہے ۔

دنیا کے بلند ترین مقام شندور پولو گراؤنڈ پرہونے والا پولو فیسٹول 28 سے 30 جون تک شیڈول تھا اور اس کے لیے تمام تیاریاں مکمل تھیں۔

لیکن شندور میں دو روز قبل غیر متوقع برف باری اور محکمہ موسمیات کی جانب سے بارشوں کی پیشین گوئی کے بعد شندور پولو فیسٹول ملتوی کردیا گیا .

محکمہ ثقافت ، سیاحت نے اعلامیہ جاری کرتے ہوئے کہا ہے کہ فیسٹیول موسم کی خراب صورت حال کے باعث ملتوی کیا گیا۔