اردو انٹرنیشنل اسپورٹس ویب ڈیسک تفصیلات کے مطابق شندور پولو فیسٹیول میں سیاحوں کے لئے ہیلی سفاری سروس شروع کرنے کا فیصلہ کیا ہے۔
شندور پولو میلہ گلگت بلتستان اور خیبر پختونخوا کے ضلع چترال کا مشترکہ میلہ ہے جو اس سال 8سے 10 جولائی کو منعقد ہوگا ۔ یہ میلہ دنیا کے بلند ترین پولو گراونڈ شندور میں منایا جاتا ہے۔ اس میلے میں چترال اور گلگت بلتستان سے پولو کے مایہ ناز کھلاڑی شرکت کرتے ہیں۔اس کے علاوہ اس میلے میں پولو کے علاوہ لوک موسیقی، لوک رقص اور ثقافتی کھیلوں کے علاوہ کیمپنگ بھی بڑے نمایاں انداز میں کی جاتی ہے ۔
محکمہ سیاحت، ثقافت، آثار قدیمہ و عجائب گھر خیبرپختونخوا کی جانب سے جاری بیان کے مطابق مشیر سیاحت و ثقافت زاہد چن زیب کی ہدایت پر سیاحوں کے لئے تاریخ میں پہلی بار ہیلی کاپٹر سروس کے آغاز کا فیصلہ کیا گیا ہے ، ڈی جی خیبرپختونخوا کلچر اینڈ ٹورازم اتھارٹی برکت اللہ مروت نے پیٹرونیٹ ایوی ایشن کے ساتھ اس حوالے سے مفاہمتی یادداشت پر دستخط کئے ہیں ۔
شندور پولو فیسٹیول میں سیاحوں کے لئے مختلف ٹورازم اینڈ ہیلی سفاری سروس کے پیکیجز متعارف کرا دئیے گئے ہیں ، پیکیج 1 میں چترال ائیرپورٹ، وادی کیلاش اور لواری ٹنل اور پیکیج 2 میں چترال ائیرپورٹ اور تریچ میر چوٹی کی سیر کروائی جائے گی ۔
پیکیج 3 میں چترال ائیرپورٹ، تریچ میر اور قاقلشت میڈوز اور پیکیج 4 میں چترال ائیرپورٹ تا شندور پولو فیسٹیول کا ٹور شامل ہے.
سیاح بکنگ کیلئے درج ذیل نمبر اور ای میل پر رابطہ کر سکتے ہیں.
03335455566
ChiefPilot@PetronetAviation.com
ops@petronetaviation.com