وزیر اعظم شہباز شریف ایک روزہ دورہ پر ایران روانہ ہو گئے
اردو انٹرنیشنل (مانیٹرنگ ڈیسک) سرکاری خبر رساں ادارے (اے پی پی) کے مطابق وزیر اعظم محمد شہباز شریف ایران کے ایک روزہ دورہ پر روانہ ہوگئے۔
وزیر اعظم کے میڈیا ونگ سے جاری بیان کے مطابق نائب وزیراعظم و وزیر خارجہ اسحاق ڈار ، وفاقی وزیر داخلہ سید محسن رضا نقوی ، وفاقی وزیر اطلاعات و نشریات عطاء اللہ تارڑ اور وزیر اعظم کے معاون خصوصی طارق فاطمی بھی وزیراعظم کے ہمراہ ہیں۔
وزیر اعظم شہباز شریف ایران کے سپریم لیڈر آیت اللہ خامنائی،قائم مقام صدر ڈاکٹر محمد مخبرسے ملاقات کریں گے اور ایرانی صدرڈاکٹر سید ابراہیم رئیسی ،وزیر خارجہ حسین امیرعبدالہیان اور دیگر کی 19 مئی کو ہیلی کاپٹر حادثہ میں شہادت پر پاکستان کے عوام اور حکومت کی جانب سے تعزیت کریں گے۔