لاہور – 30 مئی 2024: پاکستان فٹبال فیڈریشن اور اے آر وائی ڈیجیٹل نیٹ ورک نے فیفا ورلڈ کپ 2026 کے کوالیفائرز راؤنڈ 2 کے آخری ہوم لیگ میچ کو نشر کرنے کے لیے اشتراک کر لیا ہے۔ یہ میچ 6 جون 2024 کو جناح اسٹیڈیم، اسلام آباد میں پاکستان اور سعودی عرب کے درمیان کھیلا جائے گا۔
یہ میچ پاکستان بھر کے ناظرین کے لیے جوش و خروش کا باعث بنے گا اور فٹ بال کے انتہائی دلچسپ مقابلے کی اعلیٰ ،معیاری اور مکمل کوریج فراہم کرے گا۔ اس شراکت داری کے تحت اے اسپورٹس ایچ ڈی – پاکستان کا پہلا ایچ ڈی اسپورٹس چینل – سعودی عرب کے خلاف پاکستان کے آنے والے میچ کے لیے پاکستان فٹ بال کا خصوصی چینل بن جائے گا۔
اے اسپورٹس ایچ ڈی اہم میچ کی لائیو کوریج فراہم کرے گا، جس سے شائقین کو تبصرے، تفصیلی تجزیے اور خصوصی بصیرت کے ساتھ کھیل کے قریب تر لایا جائے گا۔
پاکستان کو فیفا ورلڈ کپ کوالیفائر کے گروپ جی میں سعودی عرب، اردن اور تاجکستان کے ساتھ رکھا گیا ہے۔
