اردو انٹرنیشنل اسپورٹس ویب ڈیسک تفصیلات کے مطابق اسپین کے ٹینس سپر اسٹار رافیل نڈال نے آج سے تقریباً دو دہایئاں قبل اولمپک گیمز میں پہلی بار شرکت کی تھی۔
اس وقت نڈال 18 سالہ نوجوان سےتھے ، جو اولمپک گیمز ایتھنز 2004 میں کارلوس مویا کے ساتھ مردوں کے ڈبلز میں شریک ہوئے تھے،اس کے بعد ، نڈال نے بہت کچھ حاصل کیا ہے، جس میں 22 گرینڈ سلیم ٹائٹلز، کئی اے ٹی پی ٹورنامنٹ جیتنا، ایک اولمپک گولڈ میڈل، اور 1,000 سے زیادہ سنگلز میچز شامل ہیں۔ نڈال کو ٹینس کے عظیم ترین کھلاڑیوں میں سے ایک سمجھا جاتا ہے.لیکن قابلِ ذکر بات یہ ہے کہ نڈال2004 کے اولمپکس کے بیس سال بعد بھی اسی جوش و خروش کے ساتھ کھیلتے ہیں جس طرح انہوں نے آغاز کیا تھا ۔
photo : AP
اب، 38 سال کی عمر میں، نڈال کی فٹنس پہلے جیسی نہیں رہی اسی لیے وہ اب مقابلوں کے انتخاب میں احتیاط سےکام لیتے ہیں کہ کون سے ٹورنامنٹ میں شرکت کرنی ہے اور اس کے ان کی فٹنس پر کیا اثرات مرتب ہوں گے ، اس لیے اب ان کا پروفیشنل کیریئر ختم ہونے کے قریب ہے۔
لیکن یہ اختتام تکلیف دہ ہے، نڈال شاید پیرس 2024 اولمپک گیمز میں ایک آخری کامیابی کی امید کر رہے ہیں۔
انہوں نے حال ہی میں صحافیوں کو بتایا کہ انہوں نے 2024 یو ایس اوپن میں شرکت کے بارے میں حتمی فیصلہ نہیں کیا ہے، انہوں نے کہا، “میں اولمپکس کے بعد اپنے کیریئر کے متعلق فیصلہ کروں گا ۔”
Photo: Getty Images
نڈال نے پیرس 2024 کے بعد لیور کپ میں کھیلنے کا ارادہ ظاہر کیا ہے، لیکن انہوں نے یو ایس اوپن میں شرکت کے بارے میں کوئی حتمی فیصلہ نہیں کیا، جس کی وجہ سے قیاس آرائیاں ہو رہی ہیں کہ وہ اپنے سب سے بڑے حریف راجر فیڈرر کے ساتھ اسی ٹورنامنٹ میں ریٹائر ہو سکتے ہیں۔
ریکارڈ 14 فرنچ اوپن جیتنے والے “کنگ آف کلے” کے لیے پیرس 2024 میں گولڈ میڈ ل ایک شاندار ریٹائرمنٹ تحفہ ہو گا۔
یقیناً، بیجنگ 2008 اولمپک گیمز کے سنگلز چیمپیئن کے لیے کچھ بھی یقینی نہیں ہے، جو ابھی بھی اے ٹی پی ٹورنامنٹس اور گرینڈ سلیم میں فتوحات حاصل کر رہے ہیں۔
فی الحال، نڈال نے واضح کر دیا ہے کہ ان کا دھیان پیرس 2024 میں اپنے میچز پر ہے، جس سے ٹینس کے شائقین کو بہت کچھ دیکھنے کو ملے گا .