مریم نواز کا بطور وزیراعلیٰ پنجاب تقرر پاکستانی سیاست میں سنگ میل ہے، ترجمان امریکی محکمہ خارجہ
اردو انٹرنیشنل (مانیٹرنگ ڈیسک) تفصیلات کے مطابق ترجمان امریکی محکمہ خارجہ میتھیو ملر نے مریم نواز کے بطور وزیراعلیٰ پنجاب تقرر کو پاکستانی سیاست میں سنگ میل قرار دے دیا۔
ترجمان امریکی محکمہ خارجہ میتھیو ملر نے پریس بریفنگ کے دوران کہا کہ مریم نواز کا وزیراعلیٰ منتخب ہونا پاکستانی سیاست میں سنگ میل کی حیثیت رکھتا ہے، سیاسی زندگی میں خواتین کی مکمل شمولیت کے منتظر ہیں۔
شہباز شریف کے بطورِ وزیر اعظم منتخب ہونے کے سوال پر انہوں نے کہا کہ ہم پاکستان کے ساتھ اپنی دیرینہ شراکت داری کو قدر کی نگاہ سے دیکھتے ہیں اور ہمیشہ ایک مضبوط، خوشحال اور جمہوری پاکستان کو امریکہ اور پاکستان کے مفادات کے لیے اہم سمجھتے ہیں اور نئے وزیر اعظم شہباز شریف اور ان کی حکومت کے ساتھ مل کر مشترکہ مفادات آگے بڑھائیں گے۔