اردو انٹرنیشنل (مانیٹرنگ ڈیسک) پاکستان تحریک انصاف (پی ٹی آئی) کے رہنما ذلفی بخاری نے کہا ہے بانی چیئرمین عمران خان اور پی ٹی آئی کی جانب سے ڈونلڈ ٹرمپ کو دوبارہ صدر منتخب ہونے پر مبارکباد دی گئی ہے۔
ایک بیان میں ذلفی بخاری نے کہا یہ عظیم فتح بڑی مشکلات اور رکاوٹوں کا سامنا کرتے ہوئے حاصل کی گئی۔
ذلفی بخاری کے مطابق یہ کامیابی حقیقی تبدیلی اور معاشی استحکام کےلیے ایک واضح آواز ہے، مستقبل کو دیکھتے ہوئے یہ بڑے امکانات کا دور ہے۔
انھوں نے کہا ہمیں امید ہے یہ نیا باب عالمی مسائل کے حل کی سمت میں فیصلہ کن اقدامات کا مشاہدہ کرے گا، بالخصوص غزہ میں جاری تنازع کے خاتمے کےلیے فیصلہ کن اقدامات کی امید ہے۔
ذلفی بخاری نے کہا دعا ہے کہ یہ وقت اتحاد اور شفا کا ہواور سب کے لیے دنیا میں امن و خوشحالی لائے، جمہوریت کی کامیابی دیکھ کر باقی سب کو بھی امید ملتی ہے۔
