سابق بھارتی بلے باز انشومن گایکواڈ 71 سال کی عمر میں انتقال کر گئے
اردو انٹرنیشنل (اسپورٹس ڈیسک ) تفصیلات کے مطابق کرکٹ حکام نے جمعرات کو بتایا کہ ہندوستان کے سابق بلے باز اور دو بار قومی کوچ انشومن گایکواڈ کینسر کے ساتھ طویل جنگ کے بعد 71 سال کی عمر میں انتقال کر گئے۔
گائیکواڑ کا بدھ کو مغربی شہر بڑودہ میں صحت کی مختلف پیچیدگیوں میں مبتلا ہونے کے بعد انتقال ہوگیا۔
انہوں نے قومی ٹیم کے سلیکٹر اور کوچ بننے سے پہلے ہندوستان کے لیے 40 ٹیسٹ اور 15 ون ڈے کھیلے۔
گایکواڈ نے 70 ٹیسٹ اننگز میں 1,985 رنز بنائے، 1982-83 کی سیریز میں پاکستان کے خلاف سب سے زیادہ 201 رنز بنائے۔
بورڈ آف کنٹرول فار کرکٹ ان انڈیا کے سکریٹری جے شاہ نے ایک سوشل میڈیا پوسٹ میں کہا کہ مسٹر آنشومن گائیکواڑ کے اہل خانہ اور دوستوں کے ساتھ میں گہری تعزیت کرتا ہوں.
وزیر اعظم نریندر مودی نے بھی بلے باز کی موت پر دکھ کا اظہار کیا۔
انہوں نےایکس پر لکھا کہ وہ ایک ہونہار کھلاڑی اور ایک شاندار کوچ تھے ان کے انتقال سے دکھ ہوا ان کے اہل خانہ اور مداحوں سے تعزیت۔
گایکواڈ ایک ایسے دور میں ویسٹ انڈیز کے تیز گیند بازوں کا بے خوفی سے سامنا کرنے کے لیے جانے جاتے تھے جب نہ ہیلمٹ تھے اور نہ ہی باؤنسرز پر پابندیاں تھیں۔