یورو 2024:نیدرلینڈز کی شکست کے باوجود اگلے مرحلے میں رسائی

اردو انٹرنیشنل اسپورٹس ویب ڈیسک تفصیلات کے مطابق برلن میں آسٹریا نے نیدرلینڈز کے خلاف سنسنی خیز میچ 3-2 سے جیت کر یورو 2024 گروپ ڈی میں سرفہرست مقام حاصل کیا، لیکن شکست کے باوجود نیدرلینڈز بھی راؤنڈ آف 16 میں پہنچ گیا۔

آسٹریا کی جانب سے پہلا گول الیگزینڈر پراس نے کیا .الیگزینڈر نے ایک طاقتور کراس شاٹ مارا جو غلطی سے ڈچ کھلاڑی ڈونیل میلن سے ہٹ کر نیدرلینڈ کے گول میں چلا گیا۔

نیدرلینڈز نے ابتدا میں صرف دو پاس مکمل کیے اور پھر پہلا گول کھا لیا۔ بعد میں کچھ بہتری آئی لیکن وہ گول کرنے کے اچھے مواقع ضائع کر گئے، جس کی وجہ سے ان کے کوچ رونالڈ کومان نے جلدی ایک کھلاڑی کو بدل دیا۔

آسٹریا نے مزید گول کرنے کی کوشش کی لیکن ان کے شاٹس، مارسل سبیٹزر اور مارکو آرناووٹوچ کے، ڈچ گول کیپر بارٹ وربروگن نے بچا لیے۔ نیدرلینڈز نے ہاف ٹائم سے کچھ پہلے تقریباً گول کر لیا تھا۔

دوسرے ہاف کے شروع میں، زاوی سیمونز نے کوڈی گاکپو کو پاس دیا جس نے گول کر کے اسکور 1-1 کر دیا۔ آسٹریا نے دوبارہ برتری حاصل کی جب رومانو شمڈ نے فلوریان گرلٹسچ کی کراس پر ہیڈر کر کے گول کیا اور اسکور 2-1 کردیا ۔

اس کے بعد ووٹ ویگھورسٹ، جو بینچ سے آئے تھے، نے میمفس ڈیپے کو پاس دیا جس سے نیدرلینڈز کا دوسرا گول ہوا ۔ یہ گول وی اے آر چیک کے بعد تسلیم کیا گیا۔

اس گول کے بعد آسٹریا کے سبیٹزر نے کرسٹوف باؤمگارٹنر کے پاس پر گول کیا۔ جس کے جواب میں نیدرلینڈز نے پھر سے برابری کرنے کی کوشش کی لیکن یہ گول آسٹریا کے لیے فیصلہ کن گول ثابت ہوا جس سے انہوں نے 3-2 سے کامیابی حاصل کی .

آسٹریا کی مسلسل کوششیں رنگ لائیں اور وہ گروپ کے ٹاپ پر پہنچ گئی جبکہ نیدرلینڈز بھی شکست کے باوجود اگلے راؤنڈ میں پہنچ گئی۔