Thursday, July 18, 2024
Top Newsالیکشن کمیشن کا ایک قومی اور 2 صوبائی نشستوں پر دوبارہ پولنگ...

الیکشن کمیشن کا ایک قومی اور 2 صوبائی نشستوں پر دوبارہ پولنگ کا حکم

الیکشن کمیشن کا ایک قومی اور 2 صوبائی نشستوں پر دوبارہ پولنگ کا حکم

اردو انٹرنیشنل (مانیٹرنگ ڈیسک ) الیکشن کمیشن آف پاکستان نے پرتشدد واقعات سمیت دیگر وجوہات کے سبب قومی اسمبلی کے ایک اور صوبائی اسمبلی کے دو حلقوں میں دوبارہ پولنگ کا اعلان کرتے ہوئے کہا ہے کہ ان حلقوں سے نتائج کا اعلان 15 فروری کو پولنگ کے بعد ہو گا۔

حلقہ این اے۔88 خوشاب، سندھ اسمبلی کے حلقہ پی ایس۔18 گھوٹکی اور خیبرپختونخوا اسمبلی کے حلقہ پی کے۔90 کوہاٹ کے متعدد پولنگ اسٹیشنز پرتشدد واقعات کے باعث 15 فروری کو دوبارہ پولنگ کا حکم دے دیا اور متعلقہ حلقوں کے نتائج روک لیے گئے۔

الیکشن کمیشن کے ترجمان کے مطابق این اے۔88 خوشاب میں 26 پولنگ اسٹیشنوں کے مواد کو ریٹرننگ افسر کے دفتر میں ہجوم نے جلا دیا تھا، ان پولنگ اسٹیشنوں میں 15 فروری کو دوبارہ پولنگ کا حکم دیا گیا ہے۔

اسی طرح سندھ اسمبلی کی نشست پی ایس۔18 گھوٹکی میں نا معلوم افراد نے 2 پولنگ اسٹیشنوں کا پولنگ میٹریل چھینا تھا۔

الیکشن کمیشن کا کہنا ہے کہ پی ایس۔18 گھوٹکی کے متعلقہ پولنگ اسٹیشن پر بھی 15فروری کو دوبارہ پولنگ ہوگی۔

خیبر پختونخوا میں پی کے۔90 کوہاٹ کے متعلقہ پولنگ اسٹیشن پر بھی15 فروری کو دوبارہ پولنگ کا حکم دیا گیا ہے، پولنگ میٹریل چھینے جانے یا ضائع کیے جانے کے باعث دوبارہ پولنگ کا حکم دیا گیا، پی کے۔90 کوہاٹ میں دہشت گردوں نے 15 پولنگ اسٹیشنوں کا میٹریل تباہ کیا۔

الیکشن کمیشن کا کہنا ہے کہ ان حلقوں کے نتائج کا اعلان 15 فروری کو پولنگ کی تکمیل کے بعد ہوگا۔

الیکشن کمیشن نے کراچی میں قومی اسمبلی کے حلقے این اے۔242 کے ایک پولنگ اسٹیشن پر توڑ پھوڑ کی تحقیقات کا حکم دے دیا، ریجنل الیکشن کمشنر کو تین دن کے اندر کمیشن کو تحقیقاتی رپورٹ دینے کی ہدایت کی گئی ہے۔

انتخابی نتائج کے اعلان میں تاخیر کے سبب سوال اٹھ رہے ہیں، فافن
کیا پی ٹی آئی کے حمایت یافتہ آزاد امیدوار اپنا وزیراعظم لا سکتے ہیں؟

دیگر خبریں

Trending

سابق وزیراعظم کی طبعیت ناساز، ہسپتال داخل

0
سابق وزیراعظم کی طبعیت ناساز، ہسپتال داخل اردو انٹرنیشنل (مانیٹرنگ ڈیسک) ملائیشیا کے 2 دہائیوں کے سابق وزیر اعظم 99 سالہ مہاتیر محمد کو کھانسی...