افغان سفارتخانے کا نمائندہ دفتر خارجہ طلب، بنوں حملے میں ملوث عناصر کی گرفتاری کا مطالبہ
اردو انٹرنیشنل (مانیٹرنگ ڈیسک) ملکی خبر رساں ادارے ” ڈیلی جنگ” کے مطابق دفتر خارجہ نے افغان سفارتخانے کے نمائندے کو طلب کرکے بنوں میں 26 نومبر کو سیکیورٹی فورسز پر افغان شہری کے حملے پر سخت احتجاج کیا۔
Important Development :
Pakistan has formally demanded arrest and handing over of militant Hafiz Gul Bahadur from #Afghamistan following the November 26th #Bannu attack on security forces. Pakistam conveyed strong condemnation of this attack to Afghan Embassy Representative who…— Azaz Syed (@AzazSyed) November 28, 2023
انہوں نے ذرائع کے حوالے سے خبر دی ہے کہ حافظ گل بہادر گروپ نے حملے کی ذمہ داری قبول کی ہے اور افغان نمائندے سے واقعے کی مکمل تحقیقات کا مطالبہ کیا گیا ہے۔
سفارتی ذرائع نے بتایا کہ واقعے میں ملوث افراد اور سہولتکاروں کے خلاف کارروائی کا بھی مطالبہ کیا گیا ہے۔دفتر خارجہ نے افغان نمائندے سے مطالبہ کیا کہ دہشتگردی کے مراکز اور دہشتگردوں کے خلاف فوری کارروائی کی جائے۔ذرائع کا کہنا تھا کہ افغان سفارتخانے کے نمائندے سے حافظ گل بہادر کو گرفتار کر کے پاکستان کے حوالے کرنے کا مطالبہ کیا گیا۔ذرائع نے بتایا کہ افغان نمائندے سے افغان سرزمین کو پاکستان کے خلاف دہشت گردی کےلیے استعمال کرنے سے روکنے کا مطالبہ کیا گیا۔
“دنیا نیوز “ کے مطابق وفاقی دار الحکومت میں افغان سفارتخانے کے نمائندے کو وزارت خارجہ طلب کیا گیا اور 26 نومبر کو ضلع بنوں میں افغان شہری کی جانب سے سکیورٹی فورسز کے قافلے پر خودکش حملے کی شدید مذمت کی گئی۔افغان نمائندے کو آگاہ کیا گیا کہ حافظ گل بہادر گروپ نے حملے کی ذمہ داری قبول کر لی ہے، وزارت خارجہ نے کہا ہے کہ بنوں حملے کے مرتکب افراد اور مہم سازوں کے خلاف مکمل تحقیقات اور کارروائی کی جائے۔
دنیا نیوز کی خبر کے مطابق وزارت خارجہ نے کہا ہے کہ تمام دہشت گرد گروہوں اور ان کی پناہ گاہوں کے خلاف فوری طور پر قابل تصدیق کارروائیاں کی جائیں، حافظ گل بہادر کو پکڑ کر پاکستان کے حوالے کیا جائے، پاکستان کے خلاف دہشت گردی کے لیے افغان سرزمین کے استعمال کو روکا جائے۔
واضح رہے کہ گزشتہ روز بنوں کے علاقے بکا خیل میں افغان شہری کی جانب سے سیکیورٹی فورسز کے قافلے پر کیے گئے خود کش حملے میں 2 افراد شہید اور 3 اہلکاروں سمیت 6 افراد زخمی ہو گئے تھے.پاک فوج کے شعبہ تعلقات عامہ(آئی ایس پی آر )کا کہنا تھا کہ خودکش حملہ آور کی شناخت افغان شہری کے طور پر ہوئی جس کا تعلق کالعدم ٹی ٹی پی کے حافظ گل بہادر گروپ سے ہے۔
خبر کی مذید تفصیل پڑھیئے
