جماعت اسلامی نے کل اسلام آباد میں غزہ مارچ کا اعلان کردیا
اسلام آباد (اردو انٹرنیشنل)امیر جماعت اسلامی سراج الحق نے غزہ کی صورتحال کے بارے میں پریس کانفرنس سے خطاب کرتے ہوئے کہا ہے کہ کل سے اسرائیل نے غزہ پر زمینی حملہ شروع کیا اور مسلمانوں پر مسجد اقصی کو بند کر دیا ہے.
انہوں نے کہا ہے کہ اطلاعات کے تمام تر ذرائع ،خوارک اور ادویات کے راستے بند کر دیے گئے،سراج الحق کا کہنا تھا کہ 20 دنوں سے غزہ جلتا رہا لیکن اقوام متحدہ نے اجلاس تک نہیں بلایا گیا،21 ویں دن اجلاس بلایا گیا لیکن کوئی رزلٹ سامنے نہیں آیا.
امیر جماعت اسلامی کا کہنا تھا کہ اسرائیل کی جانب سے متعدد ہسپتالوں کو نشانہ بنایا گیا ہے،انہوں نے کہا کہ اپنے مظلوم بھائیوں کے ساتھ یکجہتی کیلئے کل اسرائیل کے خلاف احتجاج کی کال دے رکھی ہے اور کل غزہ مارچ کیا جائے گا.
سراج الحق کا پریس کانفرنس کرتے ہوئے کہنا تھا کہ آج دیکھا گیا کہ ہمارے پرامن احتجاج کے خلاف کارروائی کی گئی،انہوں نے کہا کہ امریکہ کھلم کھلا اسرائیل کا ساتھ دے رہا ہے،یو این کے سیکرٹری جنرل کو داد دیتا ہوں کہ اس کے اسرائیل کے خلاف بات کی .
سراج الحق کا کہنا تھا کہ یو این کے سیکرٹری جنرل نے کہا ہے کہ اسرائیل نے سالوں سے فلسطینیوں کی زمین پر قبضہ کیا ہوا ہے،امیر جماعت اسلامی کا کہنا تھا کہ دنیا بھر کے ممالک میں اسرائیل کے خلاف مظاہرے ہو رہے ہیں.
انہوں نے اسلام آباد انتظامیہ کو مخاطب کرتے ہوئے کہا کہ میں انتظامیہ کو کہوں گا کہ شاہ سے زیادہ شاہ کے وفادار نہ بنیں، ہمارے پرامن احتجاج میں رکاوٹیں نہ ڈالیں.
پریس کانفرنس کے دوران صحافی کے سوال کا جواب دیتے ہوئے ان کا کہنا تھا کہ امریکی سفارخانے کے سامنے احتجاج کی کال دی ہے اور سفارتخانے کے سامنے جو سٹرکیں ہیں وہ ہماری ہیں،سفارتخانہ امریکہ کا ہے پورا اسلام آباد امریکہ کا نہیں ہے .اپنے کارکنوں کی گرفتاری کے حوالے سے ان کا کہنا تھا کہ آج 2 درجن سے زیادہ ہمارے کارکنان کو گرفتار کیا گیا ہے.
