عمران خان نے جو کیا، بھگت رہے ہیں، انہیں توبہ کرنی چاہیے، بلاول بھٹو

اردو انٹرنیشنل (مانیٹرنگ ڈیسک) چیئرمین پاکستان پیپلز پارٹی بلاول بھٹو زرداری نے سپریم کورٹ کے باہر میڈیا سے گفتگو کرتے ہوئے بانی پی ٹی آئی عمران خان کے بارےمیں بات کرتے ہوئے کہا ہے کہ بانی پی ٹی آئی بےگناہ ہیں تو جیل میں نہیں ہوناچاہیے، انہوں نے جو کیا، اب وہ بھگت رہے ہیں، سب سے پہلے بانی پی ٹی آئی کو توبہ کرنی چاہیے۔

بلاول بھٹو زرداری نے کہا کہ آج ہم شہید ذوالفقار علی بھٹو کے ریفرنس کی سماعت پر پہنچے ہیں ہم سمجھتے ہیں تاریخ کو مسخ نہ کیا جائے بلکہ ہم تاریخ کو درست کرسکتے ہیں۔

بلاول بھٹو نے کہا کہ سپریم کورٹ میں جو ایک کلپ چلایا گیا، آمریت میں امر کی ایک کیس میں دلچسپی تھی، ذوالفقار علی بھٹو کے کیس کا جس طرح فیصلہ کرایا گیا، تاریخ اس کی گواہ ہے، امید ہے کہ بارہ تیرہ سال بعد اس کیس میں پیپلز پارٹی کو انصاف ضرور ملے گا۔

انہوں نے کہا یہ موقع ہے کہ اسے درست کریں، اعتماد ہے کہ جسٹس قاضی فائز عیسیٰ سے اس کیس میں انصاف ملے گا۔