لاہور ہائی کورٹ راولپنڈی بینچ کا سابق وزیر داخلہ و عوامی مسلم لیگ کے سربراہ شیخ رشید کی رہائشگاہ لال حویلی کو ڈی سیل کرنے کا حکم .
شیخ رشید نے لال حویلی کو سیل کرنے کے فیصلے کے خلاف لاہور ہائیکورٹ راولپنڈی بینچ میں اپیل دائر کی ہوئی تھی.جس پر لاہور ہائیکورٹ راولپنڈی بینچ نے آج شیخ رشید کی درخواست پر لال حویلی کو ڈی سیل کرنے کا حکم دیا ہے۔
میڈیا سے بات کرتے ہوئے شیخ رشید کا کہا کہ چلے پر ضرور گیا تھا لیکن میں جن نہیں ہوں کہ ایک وقت پر تین جگہوں پر موجود ہوتا، آج اللہ نے مدد کی اور لال حویلی کو کھول دیا ہے۔شیخ رشید نے میڈیا کو بتایا کہ اگر میں جیل گیا تب بھی دونوں حلقوں سے الیکشن لڑوں گا۔
یاد رہے کہ اس سے پہلےلاہور ہائیکورٹ راولپنڈی بینچ نے لال حویلی کو ڈی سیل کرنے کی استدعا خارج کر دی تھی تاہم عدالت نے کہا تھا کہ پٹیشن کے فیصلے تک لال حویلی کی موجودہ پوزیشن برقرار رہے گی، 19 اکتوبر کو تفصیلی کیس سنا جائے گا اور کسی کو التوا نہیں ملےگا۔