کینیڈا میں آزاد خالصتان ریفرنڈم کے لیے ووٹنگ،ووٹروں کی تعداد 2 لاکھ سے تجاوز کر گئی
اردو انٹرنیشنل (مانیٹرنگ ڈیسک)کینیڈا کے صوبے برٹش کولمبیا کے شہر وینکوورمیں خالصتان رہنما ہردیپ سنگھ نجرکی یاد میں آزاد خالصتان ریفرنڈم میں لاکھوں سکھوں نے اپنا حقِ رائےدہی استعمال کیا۔ریفرنڈم کا انعقاد وینکوورکےسب سے بڑے گردوارے میں ہوا، ووٹنگ میں شرکت کے لئے ووٹرز وینکوور کے طول و عرض سے آئے اور لمبی قطاریں لگ گئیں اور خالصتان آزادی کے فلک شگاف نعرے لگے۔
غیر سرکاری خالصتان ریفرنڈم کا دوسرا مرحلہ، جسے بنیاد پرست گروپ سکھس فار جسٹس (SFJ) نے بلایا تھا، 29 اکتوبر کو کینیڈا کے برٹش کولمبیا صوبے کے سرے قصبے میں منعقد کیا گیا۔ووٹنگ سرے کے گرو نانک سکھ گوردوارہ میں ہوئی تھی، جس کے باہر 18 جون کو خالصتان کے حامی رہنما ہردیپ سنگھ نِجر کو گولی مار کر ہلاک کر دیا گیا تھا۔ بھارت میں سکھوں کے لیے علیحدہ وطن کے قیام کے لیے ہونے والے ریفرنڈم میں لاکھوں افراد نے ووٹ ڈالنے کے لیے حصہ لیا۔
سرے کا گرودوارہ، جہاں ووٹنگ ہوئی، وہ بھی وہی جگہ ہے جہاں 10 ستمبر کو پہلے مرحلے میں ریفرنڈم کرایا گیا تھا۔
آئی اے این ایس کی رپورٹ میں مزید کہا گیا کہ ایس ایف جے کے ترجمان نے دعویٰ کیا کہ ریفرنڈم کے پہلے اور دوسرے دور کے ووٹروں کی مجموعی تعداد 2 لاکھ سے تجاوز کر گئی ہے۔ اس طرح کے ریفرنڈم کا نتیجہ قانونی طور پر اس میں شامل کسی بھی اسٹیک ہولڈرز کا پابند نہیں ہوگا۔
