ترکمانستان کےوزیر خارجہ 3 روزہ دورے پر پاکستان پہنچ گئے
ترکمانستان کی کابینہ کے ڈپٹی چیئرمین اور ترکمانستان کے وزیر خارجہ راشد میردوف کا پیر کو اسلام آباد ایئرپورٹ پہنچنے پر وفاقی وزیر برائے صنعت و پیداوار رانا تنویر حسین نے پرتپاک استقبال کیا۔
نائب وزیراعظم اور وزیر خارجہ سینیٹر محمد اسحاق ڈار نے ترکمانستان کی کابینہ کے ڈپٹی چیئرمین اور ترکمانستان کے وزیر خارجہ راشد میریدوف سے ملاقات کی ،اس ملاقات میں دوطرفہ تعاون کے مختلف شعبوں اور باہمی تشویش کے علاقائی اور عالمی امور پر بات چیت کی گئی۔
دونوں رہنماؤں نے دوطرفہ تعاون کو مزید مضبوط بنانے اور قیادت کی سطح پر اعلیٰ سطح کے مذاکرات اور تبادلوں کو بڑھانے پر اتفاق کیا۔
22 سے 24 جولائی 2024 تک پر محیط اپنے دورے کے دوران وہ دیگر پاکستانی قیادت سے بھی ملاقاتیں کریں گے۔