Friday, June 21, 2024
Top Newsپاکستان میں عام انتخابات کیلئے 28 جنوری 2024 کی تاریخ متوقع

پاکستان میں عام انتخابات کیلئے 28 جنوری 2024 کی تاریخ متوقع

اسلام آباد(مانیٹرنگ ڈیسک)(ملک میں عام انتخابات کے لیے 28 جنوری 2024 بروز اتوار کی تاریخ متوقع ہے۔ذرائع کے مطابق الیکشن کمیشن سپریم کورٹ کو 2 دن بعد تحریری طور پر آگاہ کر دےگا۔
حکومتی ذرائع کا بتانا ہے کہ الیکشن کمیشن کی طرف سے مجوزہ تاریخ پرانتخابات کرانےکی تیاریاں شروع کر دی گئی ہیں۔

الیکشن کمیشن نے اپنے فیلڈ دفاتر عام تعطیل والے روز بھی کھلے رکھنے کا فیصلہ کیا ہے.اس کا اعلان الیکشن کمیشن نے سماجی رابطے کی ویب سائٹ ایکس (ٹیوٹر) پر جاری کیا ہے

الیکشن کمیشن نے صدر مملکت عارف علوی کے بیان کی تردید کردی، ترجمان الیکشن کمیشن کا کہنا ہے کہ انتخابات ملتوی ہونے کا کوئی امکان نہیں، پلان کے مطابق تیاریاں مکمل ہیں، الیکشن کمیشن پہلے ہی پوزیشن واضح کر چکا ہے۔

گزشتہ روز سینئر صحافی حامد میر کے پروگرام میں صدر مملکت عارف علوی سے جب سوال کیا گیا کہ کیا آپ کو ابھی یقین ہے کہ جنوری کے آخری ہفتے میں الیکشن ہوجائے گا؟ تو جواب میں انہوں نے کہا کہ ’نہیں مجھے یقین نہیں ہے، میں سمجھتا ہوں کہ جب سپریم جوڈیشری نے اس بات کو اپنی نظر میں لے لیا ہے تو وہاں سے بہت ہی مناسب فیصلہ آئے۔

ترجمان الیکشن کمیشن نے صدر پاکستان کے مؤقف کی تردید کرتے ہوئے اپنی وضاحت میں کہا ہے کہ صدرمملکت کے انٹرویو کے دوران الیکشن کےانعقاد کے بارے میں بیان کی وجہ سے یہ تاثرگیا ہے کہ شاید الیکشن ملتوی ہوجائیں گے، الیکشن کمیشن پہلے ہی پوزیشن واضح کر چکا ہے، حلقہ بندی کا پہلا مرحلہ مکمل ہوچکا ہے، اعتراضات دائر کرنے کا دوسرا مرحلہ کل یعنی 27اکتوبر 2023 کو مکمل ہوجائے گا۔

دیگر خبریں

Trending

India's race for cobalt will begin in disputed sea waters, China fears

متنازعہ سمندری پانیوں میں کوبالٹ کی ہندوستانی دوڑ شروع ہو جائے...

0
متنازعہ سمندری پانیوں میں کوبالٹ کی ہندوستانی دوڑ شروع ہو جائے گی،چین کو خدشہ اردو انٹرنیشنل‌(مانیٹرنگ ڈیسک) عالمی‌خبر رساں ادارے "الجزیرہ " کے مطابق ...