آرمی چیف امریکا کے دورے پر روانہ، اعلیٰ فوجی قیادت اور حکام سے ملاقاتیں کریں گے
اردو انٹرنیشنل (مانیٹرنگ ڈیسک) پاک فوج کے شعبہ تعلقات عامہ (آئی ایس پی آر) کے مطابق آرمی چیف سرکاری دورے پر امریکا روانہ ہوئے اور ان کا بطور آرمی چیف امریکاکا یہ پہلا دورہ ہے۔
آئی ایس پی آر نے بتایاکہ آرمی چیف امریکا کے دورے میں اعلیٰ فوجی افسران اور دیگر سرکاری حکام سے ملاقاتیں کریں گے۔
واضح رہے کہ آرمی چیف نے گزشتہ ایک سال میں اب تک 11 غیر ملکی دورے کیے ہیں اور 17 کے قریب غیر ملکی سفارتی اور فوجی حکام سے ملاقاتیں کی ہیں۔
ان دوروں کے دوران پاکستان میں سرمایہ کاری، قرض کی واپسی کی مدت میں توسیع اور مشترکہ دفاعی امور کا فیصلہ کیا گیا۔
نومبر میں پاک فوج کی کمان سنبھالنے کے بعد جنوری میں سعودی عرب کا دورہ کیا۔
سعودی عرب کے دورے کے دوران انہوں نے محمد بن سلمان اور دیگر سعودی حکام سے ملاقات کی۔
