چین کے دارالحکومت بیجنگ میں رواں ماہ سردی کا 72 سالہ ریکارڈ توڑ دیا
اردو انٹر نیشنل (مانیٹرنگ ڈیسک )غیر ملکی میڈیا کے مطابق بیجنگ میں مسلسل 9 دن درجہ حرارت منفی 10 ڈگری سینٹی گریڈ سے نیچے رہا جو کہ 1951 کے بعد پہلا موقع ہے کہ بیجنگ میں درجہ حرارت 09 دن تک منفی 10 ڈگری سینٹی گریڈ سے نیچے رہا۔
اس کے علاوہ چین کے شمالی اور شمال مشرقی حصے شدید ٹھنڈ کی لپیٹ میں ہیں جب کہ بعض علاقوں میں درجہ حرارت منفی 40 ڈگری سینٹی گریڈ تک گر گیا ہے۔
میڈیا رپورٹس کے مطابق رواں ماہ چین کے بیشتر علاقوں میں شدید سردی کی لہر آئی۔ چین کے وسطی صوبے ہینان میں شدید سردی کے باعث نظام زندگی بری طرح متاثر ہوا، جہاں ہیٹ سپلائی کرنے والے پلانٹ بھی بند ہو گئے۔
