کراچی سے اسلام آباد جانے والے طیارے سے پرندہ ٹکرا گیا، پرواز منسوخ
اردو انٹرنیشنل (مانیٹرنگ ڈیسک) کراچی سے اسلام آباد جانے والی نجی ایئرلائن کی پرواز پی اے 208 سے پرندہ ٹکرا گیا جس کے بعد طیارے کو واپس پارکنگ میں لانے کے بعد مسافروں کو بحفاظت اتار کر پرواز منسوخ کردی گئی۔
رپورٹ کے مطابق پرندہ ٹکرانے کا واقعہ طیارے کے ٹیک آف کے وقت پیش آیا۔
ایئرپورٹ ذرائع کے مطابق پی اے 208 پرواز سے پرندہ ٹیک آف کیلئے رن وے پر دوڑتے ہوئے ٹکرایا، پرندہ ٹکراتے ہی کپتان نے ایمرجنسی بریک لگادی جس سے مسافروں کو جھٹکے لگے۔
بعد ازاں طیارے کو واپس پارکنگ میں لانے کے بعد مسافروں کو بحفاظت اتار لیا گیا اور پرواز منسوخ کردی گئی۔
