شنگھائی تعاون تنظیم سربراہی اجلاس:وزیر داخلہ محسن نقوی کی وزیر اعظم شہباز شریف کو سیکیورٹی انتظامات پر بریفنگ
اردو انٹرنیشنل (مانیٹرنگ ڈیسک) وزیر داخلہ سید محسن رضا نقوی نے اتوار کو وزیر اعظم شہباز شریف کو شنگھائی تعاون تنظیم (ایس سی او) کے اہم اجلاس سے قبل سیکیورٹی انتظامات سے آگاہ کیا۔
تفصیلات کے مطابق محسن نقوی نے وزیراعظم شہباز شریف سے ان کی رہائش گاہ پر ملاقات کی۔ اس موقع پر دونوں رہنماؤں نے ملکی سیاسی صورتحال پر تبادلہ خیال کیا۔
قبل ازیں بتایا گیا تھا کہ آئندہ شنگھائی تعاون تنظیم (SCO) کے حوالے سے تیاریاں آخری مرحلے میں داخل ہو چکی ہیں۔
ذرائع نے اتوار کو بتایا کہ عملے کی سطح پر ہونے والے مذاکرات کے لیے مختلف ممالک کے نمائندوں کی آمد کا سلسلہ بھی شروع کر دیا گیا ہے۔
توقع ہے کہ وزارتی سطح پر مذاکرات 15 اکتوبر سے شروع ہوں گے۔وزارتی سطح کے مذاکرات کے لیے وفود کل پہنچیں گے۔