آئی سی سی نے چیمپئنز ٹرافی 2025 کے بجٹ کی منظوری دے دی
اردو انٹرنیشنل (اسپورٹس ڈیسک )تفصیلات کے مطابق کولمبو میں انٹرنیشنل کرکٹ کونسل کے سالانہ اجلاس میں چیمپئنز ٹرافی 2025 کے بجٹ کی منظوری دے دی گئی۔
مقابلے کے بجٹ کی منظوری جس کی میزبانی پاکستان کرے گا، آئی سی سی اجلاس کے آخری روز دی گئی۔
چیئرمین پاکستان کرکٹ بورڈ (پی سی بی) محسن نقوی نے بھی اجلاس میں شرکت کی۔
یاد رہے کہ بجٹ آئی سی سی کے چیف فنانس آفیسر انکور کھنہ اور پی سی بی کے چیف فنانس آفیسر جاوید مرتضیٰ نے تیار کیا تھا۔
غیر جانبدار مقام یا پلان بی کی افواہوں کے باوجود پی سی بی چیمپئنز ٹرافی 2025 کے تمام میچز کی میزبانی ملک میں کرانے کے اپنے موقف پر قائم ہے۔
پاکستان چیمپئنز ٹرافی 2025 کی میزبانی کے لیے تیار ہے اور حال ہی میں خبروں میں ’پلان بی‘ اور ’نیوٹرل وینیو‘ کی افواہیں سامنے آنا شروع ہوئیں، جس میں بتایا گیا کہ بھارتی کرکٹ ٹیم پاکستان کا دورہ نہیں کرے گی اور اپنے میچ نہیں کھیلے گی۔
تاہم پی سی بی کا پختہ خیال ہے کہ چونکہ ایونٹ پاکستان کا ہے اس لیے اسے مکمل طور پر پاکستان میں ہی ہونا چاہیےآئی سی سی+9 کا سالانہ اجلاس 19 سے 22 جولائی تک کولمبو میں شیڈول ہے اور پی سی بی کا وفد ملک میں تمام میچوں کی میزبانی کے مضبوط موقف کے ساتھ وہاں جائے گا۔
تین مقامات کراچی، راولپنڈی اور لاہور آٹھ میچوں کے میچز کی میزبانی کریں گے اور پی سی بی کے آئی سی سی کو مجوزہ شیڈول کے مطابق بھارت کے تمام میچ لاہور میں ہوں گے۔
چیمپئنز ٹرافی کی مجوزہ تاریخیں 19 فروری سے 9 مارچ تک ہیں۔