Germany Afghan citizens attacked the Pakistani consulate, desecrated the flag, condemned Pakistan (Source Social Media )
جرمنی افغان شہریوں کا پاکستانی قونصل خانے پر حملہ، پرچم کی بےحرمتی،پاکستان کی شدید مذمت
Pakistan has condemned Germany
اردو انٹرنیشنل (مانیٹرنگ ڈیسک)جرمنی کے شہر فرینکفرٹ میں پاکستانی قونصل جنرل کے باہر افغان شہریوں کی جانب سے ہنگامہ آرائی اور پتھراؤ کیا گیا اور پاکستانی پرچم اتار کر افغانی پرچم لہرایا گیا جس پر پاکستانی سفارتی حکام نے واقعہ پر شدید احتجاج کیا ، اس افسوسناک واقعے کے بعد پولیس نے دو افراد کو حراست میں لے لیا ہے.
غیر ملکی میڈیا کے مطابق جرمن حکام نے سوشل میڈیا پر ویڈیو کے وائرل ہونے کے بعد کئی دیگر افراد کو بھی گرفتار کیا ہےاور ان سے تفتیش جا ری ہے۔
پاکستان نے اس واقعے کی شدید مذمت کی اور جرمن حکومت سے تحقیقات کا مطالبہ کیا.
We condemn reprehensible vandalising act @pakinFrankfurt by miscreants on 20 July 2024. We are in contact with 🇩🇪 authorities to ensure such a situation doesn’t arise again & the miscreants face legal consequences. We appeal to our community to be patient & calm@ForeignOfficePk
— Pakistan Embassy Germany (@PakinGermany_) July 21, 2024
ترجمان دفتر خارجہ پاکستان نے جرمنی کی حکومت سے مطالبہ کیا کہ وہ ویانا کنونشنز کے تحت اپنی ذمہ داریوں کو پورا کرے۔
🔊: PR NO. 1️⃣2️⃣7️⃣/2️⃣0️⃣2️⃣4️⃣
Attack on Pakistan’s Consulate in Frankfurt, Germany
— Ministry of Foreign Affairs – Pakistan (@ForeignOfficePk) July 21, 2024
دفترخارجہ کا کہنا تھا کہ فرینکفرٹ میں پاکستانی قونصل خانے کی سلامتی کو خطرے میں ڈالاگیا،اور قونصل عملے کی جان کو خطرہ لاحق ہوا۔سفارتکاروں کی سلامتی یقینی بنانامیزبان حکومت کی ذمہ داری ہے، جرمن حکام ملوث افراد کو فوری طور پر گرفتار کریں.جرمن حکام نے پاکستانی سفارتی حکام کو مکمل تحقیقات کی یقین دہانی کرائی ہے۔
پاکستان نے فرینکفرٹ جرمنی میں انتہاپسندگروہ کی جانب سے اپنےقونصل خانے پرحملےکی شدید مذمت کی ہے۔جرمن حکومت سے مطالبہ کیا ہے کہ وہ ویاناکنونشنز کے تحت ذمہ داریوں کو پورا کرے۔
وزیر خارجہ اسحاق ڈار نے سماجی رابطے کی ویب سائٹ ایکس سابقہ ٹیوٹر پر کہا ہے کہ گزشتہ روز انتہا پسندوں کے ایک گروہ نے جرمنی کے شہر فرینکفرٹ میں پاکستان کے قونصل خانے کے احاطے میں توڑ پھوڑ کی جس سے قونصلر کے عملے کی زندگیوں کو خطرہ لاحق ہو گیا۔
انہوں نے مذید کہا پاکستان نے جرمن حکومت سے شدید احتجاج کیا ہے. جرمن حکومت پر زور دیا ہے کہ وہ ویانا کنونشن کے تحت اپنی ذمہ داریاں پوری کرے اور جرمنی میں پاکستان کے سفارتی مشنز اور عملے کی حفاظت کو یقینی بنائے۔انہوں نے اس بات پر زور دیا ہے کہ وہ کل کے واقعے میں ملوث افراد کی گرفتاری اور قانونی چارہ جوئی کے لیے فوری اقدامات کریں اور سیکیورٹی میں کوتاہی کے ذمہ داروں کا محاسبہ کریں۔
Yesterday a gang of extremists breached the premises of Pakistan’s consulate in Frankfurt, Germany endangering the lives of its consular staff. Pakistan has lodged a strong protest with the German Government. We have urged the German government to fulfill its responsibilities…
جرمنی میں پاکستانی سفارتخانہ نے فرینکفرٹ قونصل خانے میں توڑپھوڑ کی شدید مذمت کی ہے۔
پاکستان سفارتخانہ کی جانب سے جاری بیان میں بتایا گیا کہ پاکستانی سفارت خانہ جرمن حکام سے رابطے میں ہے، اس بات کو یقینی بنایا جائے گا کہ ایسی صورتحال دوبارہ نہ ہو۔بیان میں کہا گیا کہ شرپسندوں کو قانونی نتائج کا سامنا کرنا پڑے گا، پاکستانی سفارتخانہ نے اپنی کمیونٹی سے صبر اور سکون سے رہنےکی اپیل کی۔
جرمنی میں پاکستانی قونصل خانے پر حملہ اورپاکستانی پرچم کی بے حرمتی پر صحافی،ادیبوں اور مختلف شہبائے زندگی سے تعلق رکھنے والےافرادنے شدید غم و غصے کا اظہار کیا ہے.
پاکستان کی معروف صحافی اور اینکر پرسن عاصمہ شیرازی نے جرمنی میں شر پسندوں کی طرف سے کونسلخانے پر حملے اور پاکستانی پرچم کی توہین پر ایکس پر پوسٹ کرتے ہوئے لکھا کہ یہ ہماری پہچان ہے .انہوں نے کہا کہ نہ کسی اور پرچم کی توہین گوارا ہے اور نہ ہی اس جھنڈے پر آنچ آنے دیں گے.
This flag is our recognition. یہ پرچم ہماری پہچان ہے،نہ کسی اور کے پرچم کی توہین گوارا ہے اور نہ ہی اس جھنڈے پر آنچ آنے دیں گے۔ #Pakistanpic.twitter.com/i72BD1ckE0
شاعر اور مصنف عاطف توقیر نے ایکس پر لکھا ہے کہ جرمنی میں قونصل جنرل دفتر سے پاکستانی پرچم اتارنا اور اس کی بے حرمتی انتہائی افسوس ناک اور قابل مذمت معاملہ ہے۔ پاکستان کا پرچم بلند ہو گا، دوبارہ بلند ہو گا اور بلند رہے گا۔یہ پرچم کروڑوں پاکستانیوں کی پہچان اور سرزمین سے محبت کی علامت ہے۔اس کی تذلیل مت کریں۔
جرمنی میں قونصل جنرل دفتر سے پاکستانی پرچم اتارنا اور اس کی بے حرمتی انتہائی افسوس ناک اور قابل مذمت معاملہ ہے۔
پاکستان کا پرچم بلند ہو گا، دوبارہ بلند ہو گا اور بلند رہے گا۔
یہ پرچم کروڑوں پاکستانیوں کی پہچان اور سرزمین سے محبت کی علامت ہے۔اس کی تذلیل مت کریں۔میری کوشش ہو گی… pic.twitter.com/MsWZ9cuPw6
