نگران وزیراعظم انوار الحق کاکڑ کا دورہ ازبکستان،صدر شوکت مرزیوئیف سے ملاقات
اردو انٹرنیشنل (مانیٹرنگ ڈیسک) نگران وزیراعظم انوار الحق کاکڑ سے ازبکستان کے شہر تاشقند میں منعقد ہونے والے اقتصادی تعاون تنظیم (ECO) کے 16ویں سربراہی اجلاس کے موقع پر جمہوریہ ازبکستان کے صدر شوکت مرزیوئیف نے ملاقات کی۔
Held productive discussions with President Mirziyoyev in Tashkent on enhancing Pak-Uzbek ties in trade, security, and other sectors. Committed towards accelerating the Strategic Partnership Agreement and the Uzbekistan-Afghanistan-Pakistan railway for stronger regional links. pic.twitter.com/rxDscIjKym
— Anwaar ul Haq Kakar (@anwaar_kakar) November 8, 2023
وزیراعظم نے سربراہ اجلاس کے کامیاب انعقاد پر ازبک صدر کو مبارکباد پیش کی۔ اس موقع پر دونوں رہنماؤں نے سیاسی، تجارتی، اقتصادی، سلامتی، دفاع اور رابطوں سمیت مختلف شعبوں میں دوطرفہ تعاون کو مزید بہتر بنانے پر تبادلہء خیال کیا۔
دوران ملاقات وزیراعظم نے پاکستان نے گزشتہ چند سالوں میں دونوں ممالک کے درمیان دوطرفہ تعاون کی بڑھتی ہوئی سطح پر اطمینان کا اظہار کرتے ہوئے اس رفتار کو برقرار رکھنے کی اہمیت پر زور دیا۔
انہوں نے اس بات پر زور دیا کہ ترجیحی تجارتی معاہدے (PTA) اور ٹرانزٹ ٹریڈ ایگریمنٹ (UPTTA) کے حالیہ آپریشنل ہونے سے اقتصادی تعاون تنظیم تجارتی معاہدے (ECOTA) کو ہموار کرنے کے علاوہ دونوں ممالک کے درمیان تجارت اور ٹرانزٹ کو فروغ ملے گا۔
دونوں رہنماؤں نے علاقائی اقتصادی انضمام کو فروغ دینے کے لیے اسٹریٹجک شراکت داری کے معاہدے کو جلد از جلد حتمی شکل دینے اور علاقائی روابط کے لیے فعال کردار ادا کرنے کے عزم کا اعادہ کیا۔ دونوں رہنماؤں نے ازبکستان-افغانستان-پاکستان ریلوے منصوبے کی جلد تکمیل کے عزم کا بھی اظہار کیا اور کہا کہ علاقائی روابط، تجارت اور اقتصادی انضمام کے افغانستان پر بہتر اثرات مرتب ہوں گے۔
دونوں رہنماوں نے غزہ میں حالیہ انسانی بحران اور دیگر علاقائی اور عالمی پیش رفت پر بھی تبادلہ خیال کیا۔
اس سے قبل وزیر اعظم پاکستان انوار الحق کاکڑ ای سی او سربراہی اجلاس میں شرکت کے لیے تاشقند پہنچے۔انہوں نے سماجی رابطے کی ویب سائٹ ایکس “ٹیوٹر” پر اپنے ہم منصب کا شکریہ ادا کیا .
Arrived in Tashkent to participate in the ECO Summit. Thankful to my brother Hon. Abdulla Nigmatovich Aripov, Prime Minister of Uzbekistan, who extended a warm welcome to me and Pakistan delegation at the airport despite rainy weather. pic.twitter.com/EPYO5pKSKj
— Anwaar ul Haq Kakar (@anwaar_kakar) November 8, 2023