عالمی بینک نے پاکستان کے لیے ایک ارب ڈالر کی منظوری دے دی
اردو انٹرنیشنل (مانیٹرنگ ڈیسک)تفصیلات کے مطابق عالمی بینک نے داسو ڈیم کی تعمیر کے لیے ایک ارب ڈالر کی منظوری دے دی ہے۔
یہ فنانسنگ پن بجلی کی فراہمی میں توسیع، مقامی کمیونٹیز کے لیے سماجی و اقتصادی خدمات تک رسائی کو بہتر بنانے اور مستقبل کے پن بجلی کے منصوبوں کی تیاری کے لیے واٹر اینڈ پاور ڈویلپمنٹ اتھارٹی (واپڈا) کی صلاحیت کو بڑھانے میں معاونت کرے گی۔
ڈی پی ایچ DHP صوبہ خیبر پختونخوا کے ضلع بالائی کوہستان کے صدر مقام داسو ٹاؤن سے تقریباً 8 کلومیٹر دور دریائے سندھ پر ایک رن آف ریور پروجیکٹ ہے۔ جس کی مکمل ہونے کے بعد نصب صلاحیت 4,320-5,400 میگاواٹ ہوگی۔
ڈی پی ایچ 1 “DHP-I پاکستان کی جیواشم ایندھن پر انحصار ختم کرنے اور 2031 تک 60 فیصد قابل تجدید توانائی تک پہنچنے کی کوششوں میں ایک ضروری منصوبہ ہے۔” پراجیکٹ کے ٹاسک ٹیم لیڈر رکارڈ لڈن نے کہا کہ “دوسری اضافی فنانسنگ بجلی کی سپلائی میں توسیع میں سہولت فراہم کرے گی اور درآمدی ایندھن کی جگہ لے کر پاکستان کو ممکنہ طور پر 1.8 بلین ڈالر سالانہ کی بچت کرے گی، اور تقریباً 5 ملین ٹن کاربن ڈائی آکسائیڈ کو پورا کرے گی۔ DHP-I کی سالانہ اقتصادی آؤٹ پٹ کا تخمینہ لگ بھگ 28 فیصد ہے۔