تحریک انصاف کے اہم رکن قومی اسمبلی نے استعفیٰ دے دیا

اردو انٹرنیشنل (مانیٹرنگ ڈیسک) پی ٹی آئی رہنما اور رکن قومی اسمبلی جنید اکبر خان نے پارٹی کی کور کمیٹی سے استعفیٰ دے دیا.

جنید اکبر کا کہنا ہے کہ مخصوص لوگ خان سے ملنے جاتے ہیں لیکن ہمیں ملنے نہیں دیتے.

رہنماء تحریک انصاف نے کہا کہ ان لوگوں کے ایک دوسرے کے ساتھ مفادات ہیں، ہمیں صرف بتایا جاتا ہے کہ موجودہ پارٹی پالیسی خان صاحب کی ہے.

جنید اکبر کا کہنا تھا کہ بدقسمتی یہی ہے کہ سارے فیصلوں کے بینفشری یہی لوگ اور ان کے خاندان اور دوست ہیں.

پی ٹی آئی رہنما نے کہا کہ ان میں اکثریت وہ لوگ ہیں جنہوں نے 9 مئی کے بعد غبارے تک بھی نہیں اڑائے۔

جنید اکبر نے کہا کہ فیصلوں میں میرا کوئی اختیار نہیں ہے اور نہ عمران خان تک میری رسائی ہے.

انہوں نے کہا کہ میں کارکنان کی گالیوں کا حصہ نہیں بننا چاہتا، اس لیے میں کورکمیٹی سے استعفے دیتا ہوں.

پی ٹی آئی رہنما نے کہا کہ صوبے میں جن لوگوں نے ہمارے ورکرز کے ساتھ زیادتی کی ان سے احتساب کیلئے تحریک شروع کرینگے.

واضح رہے کہ چند روز قبل رہنما تحریک انصاف عمر ایوب نے بھی پاکستان تحریک انصاف کے سیکریٹری جنرل اور پارٹی کے چیئرمین مرکزی فنانس بورڈ کے عہدوں سے استعفیٰ دے دیا تھا.