اردو انٹرنیشنل (اسپورٹس ڈیسک) تفصیلات کے مطابق آرسنل فٹبال کلب کے اسٹیڈیم امارات میں رمضان کے مقدس مہینے میں ایک ایسے کمرے کا افتتاح کیا گیا ہے جہاں تمام مذاہب کے کھلاڑی اپنی اپنی مذہبی رسومات بنا کسی جھجھک اور دباؤ کے ادا کر سکتے ہیں ۔اس کمرے کا افتتاح آرسنل فٹ بال کلب کے مڈفیلڈر، محمد ایلنی نےکیا ۔
عبادت کا کمرہ خاص طور پر کھلاڑیوں کے لیے بنایا گیا ہے اور برطانیہ میں رمضان کے پہلے دن 11 مارچ کو اس کا افتتاح کیا گیا ۔اس سے قبل شائقین کے لیے ایک دہائی قبل ہی امارات اسٹیڈیم میں عبادت کا کمرہ کھولا گیا تھا ۔
افتتاحی تقریب کے حوالے سے بات کرتے ہوئے، ایلنی نے انگریزی میڈیا کو بتایا: “مجھے امارات اسٹیڈیم میں اپنے کھلاڑیوں کے لیے عبادت کا کمرہ کھولنے پر بہت فخر ہے۔ سوچنے اور دعا کرنے کے لیے اس جگہ کا ہونا آرسنل کے مستقبل کے کھلاڑیوں کی زندگیوں کو بدل دے گا۔ میں واقعی عملے اور اس کو انجام دینے میں شامل ہر فرد کا شکر گزار ہوں۔
Latest Urdu news, Urdu videos, Urdu blogs and columns – اردو انٹرنیشنل
