لاہور(اردو انٹرنیشنل) ذرائع کے طابق سابق وزیر اعظم اور پاکستان مسلم لیگ (ن) کے قائد نواز شریف کل تقریباً 4 سال بعد پارٹی کے اعلیٰ سطح اجلاس کی صدارت کریں گے. میڈیا پرنشر ہونے والی خبروں کے مطابق نوازشریف کی زیر صدارت اجلاس کل ان کی رہائش گاہ جاتی عمرہ میں ہوگا جس میں پارٹی صدر شہباز شریف بھی شرکت کریں گے۔
اجلاس میں مریم نواز،حمزہ شہباز سمیت پارٹی کے دیگر اہم رہنما بھی شرکت کریں گے.اجلاس میں ملکی سیاسی صورتحال اور الیکشن میں پارٹی ٹکٹس اور آئندہ عام انتخابات سمیت دیگر اہم امور پر غور کیا جائے گا۔
اجلاس میں پارٹی کی انتخابی مہم کےآغاز،انتخابی منشور پر تفصیلی مشاورت کی جائے گی اور نواز شریف کے ملک بھر کے دوروں کے ابتدائی شیڈول بھی زیرغور آئے گا۔تمام صوبائی صدور اپنے اپنے صوبوں کے ممکنہ انتخابی امیدواروں کے نام پیش کریں گے۔
