پاکستان کرکٹ بورڈ نے قذافی سٹیڈیم لاہور میں کرسمس ڈنر کا اہتمام کیا جس میں چیئرمین مینجمنٹ کمیٹی مسٹر ذکاء اشرف سمیت پی سی بی کے اعلیٰ حکام اور مسیحی ملازمین نے شرکت کی۔ اس موقع پر مہمانوں سے خطاب کرتے ہوئے چیئرمین پی سی بی مینجمنٹ کمیٹی مسٹر ذکا اشرف نے کہا کہ میں پاکستان اور دنیا بھر میں کرسمس منانے والے تمام لوگوں کو دلی مبارکباد پیش کرتا ہوں۔ ہمیں خوشی ہے کہ آپ پاکستان کرکٹ بورڈ کا حصہ ہیں۔