ڈیرہ اسماعیل خان : تھانے پر دہشت گردوں کا حملہ ،3 اہلکار شہید
ڈیرہ اسماعیل خان میں تھانہ درابن پر دہشت گردوں نے حملہ کردیا ،دہشت گردوں نے تھانے کے مین گیٹ پر بارود سے بھری گاڑی ٹکرا دی.
ابتدائی اطلاعات کے مطابق دھماکے کے نتیجے میں 2 پولیس جوانوں کی شہادتوں کی تصدیق ہوئی ہے جبکہ 16 کے قریب اہلکار زخمی ہوئے ہیں.
اطلاعات کے مطابق تھانے کے قریب دیر تک فائرنگ کی آوازیں آتی رہی ہیں جبکہ پولیس اور سیکیورٹی فورسز درابن تھانے کی جانب روانہ ہوگئے .
شہید ہونے والوں میں حوالدار ریاست اور سپاہی زوالفقار شامل ہیں ،تمام زخمیوں کو ہسپتال منتقل کیا جا رہا ہے جبکہ ہسپتال میں ایمرجنسی نافذ کر دی گئی۔تحصیل درابن کے سکول اور کالج بند کردیئے گئے اور اج ہونے والا پیپر بھی ملتوی کردیا گیا