چلی: جنگلات میں لگنے والی آگ نے بڑے پیمانے پر تباہی مچادی،ہلاکتوں کی تعداد 112 ہوگئی،سینکڑوں افراد لاپتا

چلی: جنگلات میں لگنے والی آگ نے بڑے پیمانے پر تباہی مچادی،ہلاکتوں کی تعداد 112 ہوگئی،سینکڑوں افراد لاپتا

جنوبی امریکی ملک چلی کے وسطی اور جنوبی علاقوں کے جنگلات میں لگنے والی خوفناک آگ کے باعث ہلاک ہونے والے افراد کی تعداد 112 تک جا پہنچی ہے جب کہ سیکٹروں شہری لاپتا بھی ہیں۔

امریکی میڈیا کے مطابق چلی کے وسطی علاقوں کے جنگلات میں کئی دنوں سے لگی آگ کے باعث لاکھوں افراد بے گھر ہوئے ہیں۔
چلی کے جنگلات میں آتش زدگی، 112 افراد ہلاک
واضح رہے کہ سانتیاگو،چلی میں ویلڈنگ کی دکان والے کی زرا سی لاپرواہی سے جنگلات میں لگنے والی آگ نے بڑے پیمانے پر تباہی مچادی جس میں اب تک 112 افراد کی ہلاکت کی تصدیق ہوچکی ہے۔

عالمی خبر رساں ادارے کے مطابق جنوبی امریکی ملک چلی کے ساحلی شہروں وینا دیل مار اور والپاریسو کے کئی ایکڑوں پر محیط جنگلات میں 92 مقامات پر خوفناک آگ بھڑک اُٹھی تھی۔

جس نے جنگلات کے قریب واقع کئی گھروں اور گاڑیوں کو اپنی لپیٹ میں لے لیا۔ درجنوں گاڑیاں اور 1100 مکانات جل گئے۔ آگ اتنی تیزی سے پھیلی کہ کسی کو نکلنے کا موقع نہیں مل سکا۔

خوفناک آتشزدگی میں دیکھتے ہی دیکھتے ہزاروں ایکڑ کے جنگلات راکھ کا ڈھیر بن گئے.

ریسکیو ادارے کے ترجمان کے مطابق 100 سے زائد خاندانوں کو محفوظ مقام پر منتقل کیا گیا ہے جب کہ چلی کے صدر پہلے ہنگامی صورتحال کا اعلان کر چکے ہیں۔

پولیس کا کہنا ہے کہ آگ، مبینہ طور پر ویلڈر کی دکان سے چنگاریوں کے گھاس پھوس میں گرنے سے لگی تھی۔