ویرات کوہلی اور انوشکا شرما کے ہاں بیٹے کی پیدائش
اردو انٹرنیشنل( مانیٹرنگ ڈیسک) تفصیلات کے مطابق بالی ووڈ اداکارہ انوشکا شرما اور سپر سٹار کرکٹر ویرات کوہلی کے ہاں بیٹے کی پیدائش ہوئی ہے۔
دونوں شخصیات نے انسٹاگرام پوسٹ میں تصدیق کی کہ ان کے ہاں چند دن قبل 15 فروری کو بیٹے کی پیدائش ہوئی، جس کا نام “اکے” (Akayy )رکھا گیا۔
انوشکا شرما اور ویرات کوہلی نے بچے کی پیدائش پر نیک خواہشات کا اظہار کرنے والے افراد کا شکریہ ادا کیا اور نوزائیدہ بچے اور ماں کی صحت یابی کے لیے دعا کرنے کی اپیل بھی کی۔
یاد رہے کہ ویرات کوہلی اور انوشکا شرما نے دسمبر 2017 میں اٹلی میں شادی کی تھی اور شادی کے 4 سال بعد جنوری 2021 میں پہلی بیٹی کی پیدائش ہوئی تھی جس کا نام وامیکا رکھا گیا تھا.