گوادر میں پرتشدد مظاہرین کا سکیورٹی فورسز پر حملہ،ڈیوٹی پر مامور سپاہی شہید، 16 جوان زخمی
اردو انٹرنیشنل (مانیٹرنگ ڈیسک) پاک فوج کے شعبہ تعلقات عامہ آئی ایس پی آر کے مطابق 29 جولائی 2024 کو نام نہاد “بلوچ راجی موچی” کی آڑ میں ایک پرتشدد ہجوم نے ضلع گوادر ،بلوچستان میں سیکیورٹی ڈیوٹی پر مامور سیکیورٹی فورسز کے اہلکاروں پر حملہ کردیا.جس کے نتیجے میں سپاہی شبیر بلوچ رہائشی ضلع سبی شہید ہوگیا.
آئی ایس پی آر کے مطابق پرتشدد مظاہرین کے بلا اشتعال حملوں کے نتیجے میں ایک افسر سمیت سولہ فوجی زخمی ہوگئے۔ دوسری جانب سوشل میڈیا پر غیر قانونی پرتشدد مارچ کے لیے ہمدردی اور حمایت حاصل کرنے کے لیے پروپیگنڈا کرنے والوں کی جانب سے جعلی تصاویر اور ویڈیوز کا استعمال کرتے ہوئے جعلی اور بدنیتی پر مبنی پروپیگنڈہ کیا جا رہا ہے۔
پرتشدد مظاہرین کی اشتعال انگیزی کے باوجود سیکورٹی فورسز کی جانب سے شہری ہلاکتوں سے بچنے کے لیے انتہائی تحمل کا مظاہرہ کیا گیاہے۔
آئی ایس پی آر کا کہنا ہے کہ ہجوم کی پرتشدد کارروائیاں ناقابل قبول ہیں اور ذمہ داروں کو انصاف کے کٹہرے میں لایا جائے گا۔
آئی ایس پی آر کا کہنا ہے کہ تمام شہریوں سے اپیل کی جاتی ہے کہ وہ پروپیگنڈے کا شکار نہ ہوں، پرسکون اور پرامن رہیں اور امن و امان کو برقرار رکھنے میں قانون نافذ کرنے والے اداروں کے ساتھ تعاون کریں۔
پاک فوج کے شعبہ تعلقات عامہ آئی ایس پی آر کا کہنا ہے کہ پاکستان کی سیکیورٹی فورسز قوم کے ساتھ مل کر بلوچستان کے امن و استحکام کو سبوتاژ کرنے کی کوششوں کو ناکام بنانے کے لیے پرعزم ہیں۔
🚨#ISPR
On 29th July 2024, a violent mob in garb of so called Baloch Raji Muchi assaulted Security Forces’ personnel employed for security duties in Gwadar district, #Balochistan, #PakistanResultantly, Sepoy Shabbir Baloch (Age: 30 years; resident of: District Sibi), embraced… pic.twitter.com/iarCUN5eIX
— Pakistan Armed Forces News 🇵🇰 (@PakistanFauj) July 29, 2024