انڈر 19 ورلڈ کپ کے دوسرے سیمی فائنل میں آسٹریلیا نے پاکستان کو ایک سخت مقابلے کے بعد ایک وکٹ سے شکست دے دی۔
جنوبی افریقہ کے شہر بینونی میں ہونے والے انڈر 19 ورلڈکپ کے دوسرے سیمی فائنل میں آسٹریلیا نے ٹاس جیت کر پہلے باؤلنگ کا فیصلہ کیا۔
پاکستان کی ٹیم نے پہلے بیٹنگ کرتے ہوئے 48.5 اوورز میں آسٹریلین ٹیم کو 179 رنز کا ہدف دیا تھا جس کو آسٹریلیا کی ٹیم نے 49.1 اوورز میں 9 وکٹوں کے نقصان پر پورا کر لیا۔ آسٹریلیا کی طرف سے ہیری ڈکسن نے شاندار نصف سنچری اسکور کی، اولیور پیکے 49 رنز بنا کر نمایاں رہے۔
پاکستان کی جانب سے عرفات منہاس اور اذان اویس نے 52، 52 رنز بنائے تھے، کپتان سعد بیگ نے تین رنز بنائے جبکہ اوپنر شامل حسین 17 رنز بنا کر آؤٹ ہوئے۔
باؤلنگ میں فاسٹ بولر علی رضا 4 وکٹیں، عرفات منہاس نے دو، محمد ذیشان اور عبید شاہ ایک، ایک وکٹ حاصل کرسکے۔
آسٹریلیا کی جانب سے ٹام اسٹریکر نے 6 کھلاڑیوں کو آوٹ کیا۔
انڈر 19 ورلڈکپ کا فائنل میچ اتوار کو آسٹریلیا اور بھارت کے درمیان کھیلا جائے گا۔
انڈر 19ورلڈکپ: پاکستان کی سیمی فائنل تک رسائیانڈر 19ورلڈکپ: پاکستان کی سیمی فائنل تک رسائی
انڈر 19 کپ 2024، فائنل میں انڈیا اور آسٹریلیا آمنے سامنے ہوں گے