توشہ خانہ ریفرنس: عمران خان کی اہلیہ بشریٰ بی بی کو گرفتار کرلیا گیا
اردو انٹرنیشنل (مانیٹرنگ ڈیسک) توشہ خانہ ریفرنس میں 14 سال قید با مشقت کی سزا سنائے جانے کے بعد عمران خان کی اہلیہ بشریٰ بی بی کو گرفتار کرلیا گیا۔
احتساب عدالت اسلام آباد نے بانی پی ٹی آئی عمران خان اور ان کی اہلیہ بشریٰ بی بی کو توشہ خانہ ریفرنس میں 14،14 سال قید با مشقت، کسی بھی عوامی عہدے کے لیے 10 سال کے لیے نااہل قرار دینے کے علاوہ 78 کروڑ 70 روپے جرمانہ بھی عائد کیا ہے۔
آج کی سماعت کے دوران عمران خان کو عدالت میں پیش کیاگیا تھا جب کہ بشری بی بی عدالت میں پیش نہیں ہوئیں تھیں۔
فیصلہ سنائے جانے کے بعد بشری بی بی گرفتاری دینے کے لیے خود اڈیالہ جیل پہنچیں جہاں پہلے سے ہی موجود نیب کی ٹیم نے انہیں گرفتار کرلیا۔