پاکستان میں زراعت صنعت و پیداوار میں سرمایہ کاری کے وسیع امکانات موجود ہیں، سفیرآذربائیجان
وفاقی وزیر صنعت و پیداوار اینڈ فوڈ سیکورٹی ریسرچ کی آذربائیجان کے سفیر خضر فرہادوف سے ملاقات ہوئی.
ترجمان فوڈ سیکیورٹی کے مطابق دو طرفہ تعاون اور باہمی دلچسپی کے امور پر تبادلہ خیال ہوا .
ملاقات میں سفیر آذربائیجان خضر فرہادوف نے باہمی دلچسپی کے ایریاز میں ملکر کر کام کرنے کی ضرورت پر زور دیا .
آذربائیجان کے سفیر نے کہا کہ زراعت صنعت و پیداوار میں سرمایہ کاری کے وسیع امکانات موجود ہیں.
وفاقی وزیر صنعت و پیداوار اینڈ فوڈ سیکیورٹی رانا تنویر حسین نے کہا کہ پاکستان اور آذربائیجان کے مابین برادرانہ مضبوط تعلقات ہیں.
رانا تنویر نے کہا کہ پاکستان آذربائیجان کے ساتھ تعلقات کو بڑی قدر کی نگاہ سے دیکھتا ہے.
وفاقی وزیر کا کہنا تھا کہ صنعت و پیداوار میں اضافہ زرعی ترقی ہماری اولین ترجیح ہے.
رانا تنویر نے کہا کہ وزیراعظم پاکستان کے ویژن اور ہدایت زراعت پر خصوصی توجہ دی جارہی ہے.
انہوں نے کہا کہ زراعت کو پاکستان کی ریڑھ کی ہڈی کی حیثیت حاصل ہے.
انکا کہنا تھا کہ زراعت کی وجہ سے پاکستان ہر سال کثیر زر مبادلہ کماتا ہے .
وفاقی وزیر نے کہا کہ ایکسپورٹ کو بڑھانے کیلیے عملی اقدامات کیے جارہے ہیں .
رانا تنویر نے کہا کہ صنعت کی ترقی سے معیشیت مستحکم ہو گی.