ورلڈ بلائنڈ کرکٹ کونسل نے افغانستان کو عبوری ممبر شپ دے دی
اردو انٹرنیشنل (اسپورٹس ڈیسک) تفصیلات کے مطابق ورلڈ بلائنڈ کرکٹ کونسل نے افغانستان کو عبوری ممبر شپ دے دی پاکستان بلائنڈ کرکٹ کونسل افغانستان میں کھیل کے فروغ کیلئے اپنی خدمات پیش کرے گا۔ نومبر میں کراچی میں شیڈول ورلڈ بلائند کپ میں افغانستان کی شرکت بھی متوقع ہے۔
ورلڈ بلائنڈ کرکٹ کونسل کے صدر سید سلطان شاہ کی سربراہی میں ایگزیکٹو کمیٹی کا اجلاس آن لائن ہوا جس میں افغانستان کو 11ویں ممبر کے طور پر عبوری ممبر شپ دی گئی جس کے بعد سید سلطان شاہ جو پاکستان بلائنڈ کرکٹ کونسل کے چیئرمین بھی ہیں نے افغانستان میں کھیل کے فروغ کیلئے اپنی خدمات پیش کیں۔
سید سلطان شاہ نے جیو نیوزسے گفتگو کے دوران کہا کہ وہ اگست میں پاکستان کے دو کوچز افغانستان بھیجیں گے جہاں وہ ان کے 35 کھلاڑیوں اور تین کوچز کی تربیت کریں گے۔