حلقے کے مسائل حل نہ کرنے پر ووٹر کا گلہ، لیگی رہنما روحیل اصغر کا ووٹر پر تشدد
اردو انٹرنیشنل (مانیٹرنگ ڈیسک) لیگی ووٹر کو مسلم لیگ(ن) کے رہنما شیخ روحیل اصغر سے گلہ مہنگا پڑ گیا جنہوں نے ووٹر کو تشدد کا نشانہ بنانے کے ساتھ ساتھ گالیاں بھی دیں۔
ذرائع کے مطابق قومی اسمبلی کے حلقہ این اے۔121 سے مسلم لیگ(ن) کے امیدوار شیخ روحیل اصغر کی ووٹر کو تھپڑ مارنے کی ویڈیو منظر عام پر آ گئی۔
لیگی ووٹر نے مسلم لیگ(ن) کے رہنما سے گلہ کیا کہ ہماری گلی میں گندا پانی کھڑا ہے جس سے بیماریاں پھیل رہی ہیں اور بچے بیمار ہو رہے ہیں لہٰذا گندے پانی کا نکاس کیا جائے۔
شیخ روحیل اصغر نے ووٹر کو تھپڑ مارنے کے ساتھ انہیں گالیاں بھی دیں اور اس کے بعد اپنے گھر کا دروازہ بند کردیا۔