سینیٹ کا الوداعی اجلاس آج ہوگا، 24 نکاتی ایجنڈا جاری
سینیٹ کا اجلاس آج ہوگا، صدر مملک نے سینیٹ کا الوداعی اجلاس آج سہہ پہر 3 بجے طلب کرلیا۔صدرعارف علوی نے آئین کے آرٹیکل 54 کی شق ون کے تحت سینیٹ کا اجلاس طلب کیا۔
اجلاس کی صدارت چیئرمین سینیٹ صادق سنجرانی کریں گے، اجلاس میں سینیٹ اراکین الوداعی تقریر کریں گے۔سینیٹ کا الوداعی اجلاس آج سہ پہر 3 بجے ہوگاجس کا 24 نکاتی ایجنڈا جاری کردیا گیا۔
ذرائع کے مطابق چیئرمین سینیٹ صادق سنجرانی اجلاس کی صدارت کریں گے۔
3 نجی یونیورسٹیوں کےقیام کے بل کو سینیٹ اجلاس کے ایجنڈے میں شامل کیا گیا ہے، اسکے علاوہ اجلاس میں سینیٹر دلاور خان منرل ریگولیٹری اتھارٹی کے قیام کا بل منظوری کے لیے پیش کیاجائےگا۔
اجلاس میں فوجداری قوانین میں ترامیم اور پاکستان بیت المال ایکٹ میں مزید ترامیم کے بلز پیش ہوں گے، انٹرنیشنل اسلامک یونیورسٹی ترمیمی بل بھی ایوان میں پیش ہوں گے۔
ایجنڈے کے مطابق سینیٹر عبدالقادر ایم فل اور پی ایچ ڈی لیول کے نصاب کو اپ گریڈ کرنے کی قرارداد پیش کریں گے۔
واضح رہے کہ آئین پاکستان کے مطابق سینیٹ کے نصف اراکین کا انتخاب مارچ میں ہو گا۔