افغانستان میں پاکستان کے نمائندہ خصوصی کی آئی او ایم کی ڈائریکٹر جنرل سے ملاقات
افغانستان میں پاکستان کے نمائندہ خصوصی آصف درانی نے انٹرنیشنل آرگنائزیشن فار مائیگریشن کی ڈائریکٹر جنرل محترمہ ایمی ای پوپ اور انکے وفد کا استقبال کیا اور ان سے خصوصی ملاقات کی.
پاکستان کی جانب سے وفد کی قیادت آصف درانی کررہے تھے جبکہ انٹرنیشنل آرگنائزیشن فار مائیگریشن کی ڈائریکٹر جنرل محترمہ ایمی ای پوپ اپنےوفد کی قیادت کر رہی تھیں۔
دونوں رہنماؤں کے مابین افغان شہریوں کی تیسرے ممالک میں دوبارہ آبادکاری پر تبادلہ خیال ہوا،ملاقات میں خاص طور پر ان مہاجرین سے متعلق بات چیت ہوئی جو خاص طور پر افغانستان سے امریکی/نیٹو کے انخلاء کے بعد پاکستان پہنچے تھے۔
