اردو انٹرنیشنل (اسپورٹس ویب ڈیسک) تفصیلات کے مطابق ساف ویمنز چیمپئن شپ 2024 نیپال میں جاری ہے جہاں قومی ٹیم نے افتتاحی میچ روایتی حریف بھارت کے ساتھ کھیلا جہاں انہیں بھارت سے 5-2 سے شکست کا سامنا کرنا پڑا ۔
بھارت کی جانب سے دنگمی نے دو گول اسکور کیے جبکہ منیشا، بالا دیوی اور جیوتی چوہان نے ایک ایک گول اسکور کیا ۔
دوسری طرف پاکستان کی جانب سے پہلا گول سوہا ہیرانی نی پہلے ہاف کے اضافی وقت میں کیا جبکہ دوسرا گول کائلہ صدیقی نے 47 ویں منٹ میں کیا ۔
قومی ٹیم گروپ مرحلے کا اگلا میچ 20 اکتوبر کو بنگلہ دیش کے خلاف کھیلے گی میچ شام 4 بج کر 45 منٹ پر کھیلا جائے گا۔