جوڈیشل کمپلیکس راولپنڈی کے احاطہ میں فائرنگ سے ایک شخص قتل
جوڈیشل کمپلیکس کے احاطہ میں فائرنگ سے ایک شخص کے قتل کے واقعہ پر سی پی اوسید خالدہمدانی کا نوٹس لیتے ہوئے ایس پی پوٹھوہار سے واقعہ کی رپورٹ طلب کرلی.
سول لائنز پولیس نے فوری کاروائی کرتے ہوئے ملزم غفار خان کو موقعہ سے گرفتار کرلیا، اسلحہ برآمد۔
مقتول کی شناخت علی شاہ کے نام سے ہوئی.
ابتدائی اطلاعات کے مطابق سابقہ دشمنی کی بنا پر ملزم غفار خان نے مقدمہ قتل کی پیشی پر آئے ملزم علی شاہ کو قتل کیا.
مقتول علی شاہ تھانہ روات کے قتل کے مقدمہ 1127/23 بجرم 302/34 کا ملزم تھاجس نے ملزم غفار خان کی بہن کو قتل کر دیا تھا.
نعش کو پوسٹ مارٹم کے لیے ہسپتال منتقل کیا گیا ہے، موقعہ سے شواہد اکٹھے کیے جارہے ہیں جبکہ واقعہ کی حوالے سے انکوائری عمل میں لائی جارہی ہے.
ایس پی پوٹھوہار کے مطابق ملزم کو ٹھوس شواہد کے ساتھ چالان کرنے کے لیے تمام قانونی تقاضے پورے کیے جائیں گے.
ایس پی پوٹھوہار ناصر نواز کا کہنا ہے کہ قانون ہاتھ میں لینے والے ملزمان قانون کی گرفت سے نہیں بچ سکتے.