نکی ہیلی کا امریکی صدارتی امیدوار بننے سے دستبرداری کا اعلان
اردو انٹرنیشنل ( مانیٹرنگ ڈیسک) تفصیلات کے مطابق نکی ہیلی نے امریکی صدارتی امیدوار بننے سے دستبرداری کا اعلان کردیا.
بین الاقوامی خبر رساں ادارے کی رپورٹ کے مطابق جنوبی کیرولائنا کی سابق گورنر اور ڈونلڈ ٹرمپ کے دور صدارت میں اقوام متحدہ میں سفیر رہنے والی نکی ہیلی نے یہ اعلان ’سپر ٹیوزڈے‘ کے ایک دن بعد ایک تقریر کے دوران کیا جب ڈونلڈ ٹرمپ نے ریپبلکن نامزدگی کے لیے ہونے والے 15 میں سے 14 مقابلوں میں انہیں زبردست شکست دی۔
نکی ہیلی نے کہا کہ اب وقت آ گیا ہے کہ میں اپنی انتخابی مہم معطل کر دوں، مجھے کوئی پچھتاوا نہیں ہے.
انہوں نے کہا کہ ڈونلڈ ٹرمپ کو میرے حامیوں کے ووٹ محنت سے لینا ہوں گے۔
بین الاقوامی خبر رساں ادارے کی رپورٹ کے مطابق نکی ہیلی نے سابق امریکی صدر ڈونلڈ ٹرمپ کو بطور صدارتی امیدوار توثیق کرنے سے گریز کردیا۔
نکی ہیلی کی دستبرداری کے بعد نومبر کے انتخابات میں سابق صدر ڈونلڈ ٹرمپ ری پبلکن کے واحد امیدوار رہ گئے ہیں جن کا ممکنہ طور پر ڈیموکریٹک کے امیدوار اور موجودہ صدر جوبائیڈن سے براہ راست مقابلہ ہوگا.