اردو انٹرنیشنل (اسپورٹس ڈیسک) تفصیلات کے مطابق نیدرلینڈز نے آئندہ آئی سی سی مینز ٹی 20 ورلڈ کپ 2024 کے لیے 16 رکنی اسکواڈ کا اعلان کر دیا ہے جو جون میں ویسٹ انڈیز اور ریاستہائے متحدہ امریکہ (یو ایس اے) میں ہونے والا ہے۔
نیدرلینڈز نے تجربہ کار آل راؤنڈر روئیلوف وین ڈیر مروے اور بلے باز کولن ایکرمین کو اپنے ٹی ٹوئنٹی ورلڈ کپ اسکواڈ س میں شامل نہیں کیا.
نوجوان ہارڈ ہٹنگ بلے باز مائیکل لیویٹ جنہوں نے فروری میں نمیبیا کے خلاف شاندار سنچری بنانے کے بعد نمایاں مقام حاصل کیا انہوں نے میگا ایونٹ کے لیے اسکواڈ میں جگہ بنائی۔
ڈچ ٹیم کو گروپ ڈی میں جنوبی افریقہ، سری لنکا، بنگلہ دیش اور نیپال کے ساتھ رکھا گیا ہے۔ وہ اپنی ٹی ٹوئنٹی ورلڈ کپ مہم کا آغاز نیپال کے خلاف 4 جون کو ڈیلاس کے گرینڈ پریری اسٹیڈیم میں نیپال کے خلاف کریں گے۔
ٹی ٹوئنٹی ورلڈ کپ ہالینڈ کا اسکواڈ:
سکاٹ ایڈورڈز ، آرین دت، باس ڈی لیڈے، ڈینیئل ڈورم، فریڈ کلاسن، کائل کلین، لوگن وان بیک، میکس او ڈاؤڈ، مائیکل لیویٹ، پال وین میکرین، سائبرینڈ اینجلبریٹ، تیجا ندامانورو، ٹم پرنگل ، وکرم سنگھ، ویو کنگما، ویسلے بیریسی