افریقی ملک موزمبیق کے ساحل پر کشتی ڈوبنے سے 90 سے زائد افراد ہلاک
اردو انٹرنیشنل ( مانیٹرنگ ڈیسک) جنوب مشرقی افریقی ملک موزمبیق کے شمالی ساحل پر کشتی ڈوبنے سے 90 سے زائد افراد ہلاک ہو گئے۔
تفصیلات کے مطابق نمپولا صوبے کے ساحلی علاقے لونگا سے روانہ ہوکر موزمبیق جزیرے کی طرف جاتے ہوئے کشتی کو حادثہ پیش آیا کشتی پر گنجائش سے زیادہ لوگوں کو سوار کیا گیا تھا۔
نامپولا صوبے کے حکام نے بتایا کہ کشتی میں سوار تقریباً 130 افراد میں عورتیں اور بچے بھی شامل تھے.
اطلاعات کے مطابق کشتی میں سوار تقریباً 130 افراد میں سے 5 افراد کو بچا لیا گیا ہے جبکہ باقی افراد کی تلاش جاری ہے۔
حکام کے مطابق نمپولا صوبے کے ساحلی علاقے لونگا سے روانہ ہوکر موزمبیق جزیرے کی طرف جاتے ہوئے کشتی کو حادثہ پیش آیا، کشتی پر گنجائش سے زیادہ لوگوں کو سوار کیا گیا تھا۔
حکام کا کہنا تھا کہ حادثے کا شکار کشتی ماہی گیری کیلئے استعمال ہونے والی کشتی تھی تاہم اسے غیرمناسب طریقے سے مسافر بردار کشتی میں تبدیل کر کے استعمال کیا جا رہا تھا۔
حکام نے بتایا کہ گزشتہ برس جنوری سے جنوبی افریقی ملکوں میں پھیلی ہوئی ہیضے کی وبا سے موزمبیق کا صوبہ نمپولا بھی شدید متاثر ہوا ہے، ہیضے کی وبا سے بچنے کیلئے لوگ مین لینڈ سے نکل کر جزیرے پر پہنچنے کی کوشش کر رہے تھے۔
یونیسیف نے اس وبا کو 25 سالہ تاریخ کی بدترین وبا قرار دیتے ہوئے کہا کہ موزمبیق میں اکتوبر 2023 سے اب تک 13 ہزار 700 تصدیق شدہ کیسز اور 30 اموات رپورٹ ہوئی تھیں۔