لاہور ہائیکورٹ نے نگران وزیر اعظم کو ہٹانے کی اپیل پر سماعت کرنے سے معذرت کرلی
اردو انٹرنیشنل (مانیٹرنگ ڈیسک)نگران وزیراعظم انوار الحق کاکڑ کو عہدے سے ہٹانے کے لیے انٹرا کورٹ اپیل پر جسٹس عابد عزیز شیخ کی سربراہی میں دو رکنی بینچ نے سماعت کی۔نگران وزیراعظم انوار الحق کاکڑ کو عہدے سے ہٹانے کے لیے انٹرا کورٹ اپیل پر لاہور ہائیکورٹ کے دو رکنی بینچ نے سماعت سے معذرت کرلی۔
بینچ نے سماعت سے معذرت کرتے ہوئے فائل دوبارہ چیف جسٹس لاہور ہائی کورٹ کو ارسال کردی۔
اپیل میں موقف اپنایا گیا کہ 15 نومبر کو نگران وزیر اعظم کی 90 روز کی آئینی مدت مکمل ہو چکی ہے، جس کے بعد انوارالحق نگران وزیراعظم کا عہدے پر برقرار رہنا غیر قانونی ہے۔اپیل میں استدعا کی گئی کہ عدالت نگران وزیراعظم کو عہدے سے ہٹانے کا حکم جاری کرے۔
واضح رہے کہ 15 دسمبر کو انوار الحق کاکڑ کو عہدے سے ہٹانے کے لیے شہری مقسط سلیم نے لاہور ہائیکورٹ میں انٹرا کورٹ اپیل دائر کی تھی۔
درخواست میں نگران وزیر اعظم کو بزریعہ پرنسپل سیکریٹری اور الیکشن کمیشن کو فریق بنایا گیا تھا، درخؤاست میں موقف اپنایا گیا تھا کہ 15 نومبر کو نگران وزیر اعظم کی 90 روز کی آئینی مدت مکمل ہو چکی ہے، 90 روز کے بعد نگران وزیراعظم کا عہدے پر برقرار رہنا غیر قانونی ہے۔