اردو انٹرنیشنل اسپورٹس ویب ڈیسک تفصیلات کے مطابق لیوس ہیملٹن نے اتوار کو سلورسٹون میں برٹش گرینڈ پریکس جیت کر کیریئر کی نویں فتح سمیٹی۔ یہ مقابلہ انتہائی دلچسپ تھا کیونکہ گیلے ٹریک پر کئی بار برتری تبدیل ہوتی رہی.
سعودی گرینڈ پریکس2021کے بعد ہیملٹن کی یہ پہلی جیت تھی۔ جیتنے کے بعد، اس نے اپنی گاڑی سے یونین جیک کا جھنڈا پکڑ ا اور شائقین کے ساتھ جشن منایا۔انہوں نے جذباتی انداز میں اپنی ٹیم کا شکریہ ادا کرتے ہوئے کہا، “یہ میرے لیے بہت معنی خیز جیت ہے. میں آپ لوگوں سے پیار کرتا ہوں۔”
ہیملٹن نے یہ کامیابی اپنے پرانے حریف میکس ورسٹاپن کو ہرا کر حاصل کی ان دونوں کے درمیان سخت مقابلہ ہوا ورسٹاپن نے اسے ہرانے کی ہر ممکن کوشش کی مگر وہ ہیملٹن کو اوور ٹیک کرنے میں ناکام رہے۔
مرسڈیز ٹیم کے پرنسپل ٹوٹو وولف نے کہا کہ ہیملٹن کے لیے مرسڈیز کے ساتھ اپنی آخری برٹش گرینڈ پریکس جیتنا ، جس ٹیم کے ساتھ وہ اتنا عرصہ اس کھیل پر غالب رہے ایک “پری کہانی” کی طرح محسوس ہوتا ہے .
لیوس ہیملٹن ابوظہبی میں منعقدہ عرب گرینڈ پریکس 2021 میں پریشان کن ایونٹ کے بعداتنا مایوس تھے کہ انہوں نے یہ کھیل تقریباً ترک کردیا تھا .اس کامیابی کے بعد اس نے اپنے والد، انتھونی کو 20 سیکنڈ تک گلے لگایا، اور پھر اپنی ماں، کارمین کو ۔ اس کے والدین سمجھ گئے کہ میکس ورسٹاپن کے ہاتھوں 2021 میں آٹھویں عالمی ٹائٹل کا موقع گنوانے سے وہ کتنا متاثر ہوا تھا۔