ایشین کپ کی تاریخ میں اردن کی پہلی بار سیمی فائنل تک رسائی
الریان: احمد بن علی اسٹیڈیم میں جمعہ کے روز اردن اور تاجکستان کے درمیان ایک سنسنی خیز کوارٹر فائنل کھیلا گیا ۔
اردن کے گول کیپر یزید ابولیلہ خوف کے عالم میں دیکھتے ہی رہ گئے جب احسان نے شیروونی کے نچلے کراس کو دائیں طرف سے پھینکنے کے بعد گیند کراس بار سے اچھال دی۔
تاجکستان ٹیم کو اس وقت دھچکا لگا جب شہروم سمیف، جو تاجکستان ٹیم میں اٹیکنگ پوزیشن (فارورڈ) کے طور پر کھیلتا ہے، کو ہیمسٹرنگ انجری کے بعد میدان چھوڑنا پڑا ۔جس وجہ سے رستم سویروف کو ہاف ٹائم سے پہلے ہی ٹیم میں شامل ہونا پڑا ۔رستم کے ٹیم میں شامل ہونے کے بعد اردن ٹیم کو گول کرنے کا بہترین موقع ملا جب محمود المردی نے بائیں جانب سے ایک ان سوئنگ پاس کو کراس کر کے یزان النعیمت کے پوسٹ کی طرف کر دیا، تاہم جب النعیمت نے گول کرنے کی کوشش کی تو گیند گول کی بجائے سائیڈ نیٹنگ میں جا لگی۔
دوسرے ہاف کے سات منٹ میں کوچ پیٹر سیگرٹ کی ٹیم (تاجکستان)کو اردن کی جانب سے گول کرنے کا موقع دیا گیا جب میدان کے بائیں جانب سے سیلم العجالین گیند سے نمٹنے میں ناکام رہے، وہ گیند پر ٹھیک طرح سے قابو نہیں رکھ سکا جس وجہ سے مخالف ٹیم کے شیروونی نے گیند کو چھین کر گول کی طرف بڑھا دیا۔ لیکن اردنی ڈیفنڈر یزان العرب کے دباؤ میں ہونے کی وجہ سے مباتشویف گول کرنے میں ناکام رہے ۔
کھیل میں تعطل بالآخر دوسرے ہاف کے وسط میں ٹوٹ گیا۔ اردن کی ٹیم کے ایک ڈیفنڈر عبداللہ نصیب نے احسان حداد کی طرف سے لی گئی کارنر کک کے دوران اونچی چھلانگ لگائی۔ نصیب نے ہیڈر لگانے کی کوشش کی لیکن گیند جال میں جانے سے پہلے ہی تاجک ڈیفنڈر وحدت ہنونوف نے اسے دور اچھال دیا۔
اپنا پہلا گول کرنے کے صرف دو منٹ بعد، اردن ایک اور گول کرنے کے قریب آگیا۔ انہوں نے تیزی سے گیند کو مخالف ٹیم کے گول کی طرف بڑھا دیا۔ اردن کے ایک کھلاڑی، یزان نے التماری کو گیند پاس کرنے سے پہلے مہارت سے دو تاجک کھلاڑیوں کو ڈرابل کیا۔ ا لتماری کے پاس گول کرنے کا بہترین موقع تھا کیونکہ وہ گول سے سرف 11 گز دور تھا ۔ تاہم، اس نے شاٹ گنوا دیا، اور اسے کراس بار سے اوپر اچھال دیا۔
تاجکستان نے دور سے شاٹ مار کر گول کرنے کی کوشش کی کیونکہ ان کے مخالف اچھے دفاع کر رہے تھے اور انہیں گول کرنے کے زیادہ مواقع نہیں دے رہے تھے۔ کھیل کے 74ویں منٹ میں تاجکستان کے علی شیر شکروف نے 30 گز کے فاصلے سے ایک زوردار شاٹ مارا۔ لیکن اردن کے گول کیپر یزید ابولیلہ نے شاٹ کو روکنے کے لیے ہوا میں اونچی چھلانگ لگا کر ان کی کوشش کو ناکام بنا دیا ۔ اپنے ساتھیوں کے مضبوط دفاع کی مدد سے ابولیلہ تاجکستان کو کھیل ختم ہونے تک گول کرنے سے روکنے میں کامیاب رہے۔
اور اس جیت کے ساتھ ہی حسین عموتا کی ٹیم (اردن) ایشین کپ کی تاریخ میں پہلی بار سیمی فائنل میں پہنچ گئی ،اردن اب منگل کو سیمی فائنل میں کوارٹر فائنل کے فاتح آسٹریلیا یا جنوبی کوریا سے سامنا کرے گا۔ جبکہ ا س ٹورنامنٹ میں ڈیبیو کرنے والی تاجکستان کی ٹیم کا پہلا ٹورنامنٹ شاندار رہا اور کوارٹر فائنل پر اس سفر کا اختتام متاثر کن رہا۔
