جموں و کشمیر کی’تحریک حریت’ کو دہشت گرد تنظیم قرار دے کر بین کردیا گیا
اردو انٹرنیشنل (مانیٹرنگ ڈیسک)بھارتی وزیر داخلہ امت شاہ نے سوشل میڈیا پلیٹ فارم ایکس ٹویٹر پرلکھا کہ ، تحریک حریت جموں و کشمیر (ٹی ایچ) کو یو اے پی اے کے تحت ایک غیر قانونی انجمن قرار دیا گیا ہے۔ یہ تنظیم جموں و کشمیر کو ہندوستان سے الگ کرنے اور اسلامی حکومت قائم کرنے کی ممنوعہ سرگرمیوں میں ملوث ہے۔ وہ جموں و کشمیر میں علیحدگی پسندی کو فروغ دینے کے لیے بھارت مخالف پروپیگنڈہ پھیلاتی اور دہشت گردانہ سرگرمیاں جاری رکھتے ہوئے پایا گیا ہے۔
امت شاہ نے مزید لکھا کہ وزیر اعظم نریندر مودی کی دہشت گردی کے خلاف زیرو ٹالرنس پالیسی کے تحت، کوئی بھی فرد یا تنظیم جو بھارت مخالف سرگرمیوں میں ملوث پائی گئی، اسے فوری طور پر ناکام بنا دیا جائے گا۔